Dzindzimo 22:11 - Bhibhiliya Nya Guage

¹¹ U nga khali hwindzo, kholu mhango yomo vbafuvbi, nyi mwalo muthu nya gu nyi phase.

Dzindzimo 22:11 Iomraidhean Croise

2 Dzipfhumu 14:26

Kholu Pfhumu Nungungulu a di wona tshanisa nya yikhongolo ya na Israyeli, kholu a diri mwalo nya gu tshale, nya tshivba nuye nya gusolege, gu diri mwalo ni moyo nya gu va phasedzele.

Dzindzimo 10:1

Pfhumu Nungungulu, khu ginani u khala hwindzo? Khu ginani u nyi sihalela gikhati nya gusaniseke?

Dzindzimo 35:22

Aholu uwe Pfhumu Nungungulu u si wone nuwe esi, u nga deguli; u nga khali hwindzo ni eni, Pfhumu.

Dzindzimo 38:21

U nga nyi digi Pfhumu, Nungungulu wangu, u nga khali hwindzo ni eni.

Dzindzimo 69:18

Hidzimela vbafuvbi gwangu u nyi vbulugisa mandzani ga valala vangu.

Dzindzimo 71:12

Nungungulu, u nga khali hwindzo ni eni, Nungungulu wangu, vbiredza u ta nyi phasa.

Dzindzimo 71:6

Khuwe u nyi dusidego khu ndrani ga mayi wangu, khuwe u nyi phasedzelago gukhugela guvelegwani gwangu, eni nyi na gu dhumisa gikhati gyatshavbo.

Dzindzimo 72:12

Kholu uye a ngu bavbula marongo ya gisiwana gi lilago ni khulungu yi gu mwalo waye.

Isaya 63:5

Nyi di khedza, aholu kha nya wona ni moyo nya gu nyi phasedzele; nyi di samala khu gumba wona ni moyo nya gu nyi seketele; khu guralo, nyi di thuma khu tshivba nya libogo langu, nyi seketedwa khu likhulo langu.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Matewu 26:72

Pedro a di danga nyaluphye, a sambanya, khuye: “Kha nyi mu ti muthu yoyo.”

Matewu 26:74

Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.