Dzindzimo 21:9 - Bhibhiliya Nya Guage

⁹ Uwe u na va gira va dzura kha nga nilo litshigu u na dzi wonegisago, Pfhumu Nungungulu a na va midza khu likhulo laye, va na tsagamiswa khu nilo;

Dzindzimo 21:9 Iomraidhean Croise

Genesi 19:28

A di khedzisa a wona Sodhoma, Ghomora ni panini gwatshavbo, a wona wutshi na wu gutuviga tigoni kha nga wutshi nya nilo nya wukhongolo.

Ezira 6:12

Nungungulu, uye a vegidego gu lina laye li khale vbale, a na these vbavbatshi vafumeli vatshavbo ni vathu vatshavbo avo va na gu khusago gyandza gyawe gasi gu vbindrugedza mahungu yaya va ghohetela Nyumba yoyo ya Nungungulu yi guromo Jerusalema. Eni Dhariyo nyi ningede gileletelo gegi, dzi garadzeni khu gu gi yingisa.

Joba 6:3

Mu di hadza gu wona gukhenu gulemela nya pimo waye gukhongolo guvbindra mafu nya fungu! Khu guralo, nyi khade muthu nya guvbiredzele gu ganela.

Dzindzimo 106:17

Mafu ma di tulega ma midza Dhatani, Abhiramo ni ngamo yaye va di midzwa navo.

Dzindzimo 18:38

Eni nyi va sasede, va si kodzi ni gu wuga, va thegela vbavbatshi nya migondro yangu.

Dzindzimo 18:8

Wu di duga wutshi khu dzithonvuni gwaye, khu kanani gwaye, gu duga nilo nya guvbise, gu duga magala nya gungangamele.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 2:5

A na va embela na tade khu likhulo, a va thela hwanga khu likhulo laye, khuye:

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Nahume 1:6

Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

Matewu 13:42

si va rinya niloni, umo va na guya lilago ni gu ketsa magwaha.

Matewu 13:50

dzi va rinya niloni, umo va na gu lilago ni gu khukhurusa magwaha.

Matewu 22:7

Mufumeli wule a di garadzega ngudzu, a gu rumela masotshwa maya songa sighevenga sile, gumogo ni gu si vbisela lidhoropa lawe.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.

Gutuledwa 20:14

Lufu ni lithowo si di rinywa tsivani nya nilo. Litsiva leli nya nilo khu gufa nya wuvili.