Dzindzimo 20:8 - Bhibhiliya Nya Guage

⁸ Avo va gu tshunganela va thega; ethu ha gu khuga hi ema na hi tiyide.

Dzindzimo 20:8 Iomraidhean Croise

2 Dzipfhumu 19:23

Khu magana nya myango yago u tsorodzede Pfhumu Nungungulu, u ganela, khuwe: Ni gutala nya dzikareta dzangu, nyi ngu gwela dzitshokhani nya sigomo, vbatshani nya dzitshokha nya sigomo sa Libhanoni, nyi ya pila misimbo yaye nya gulaphe nya sedhari, ni migure yaye nya wumburi, ni mahegiso nya malanga yaye, nyi bela kala mahegiso nya sihuru sa Thembweni gwaye nya wumburi.

2 Dzikoronika 14:10

Khavbo avbo, Asa a di somisa nyimbi a mu khinga, vaya manana kovani ga Zefata, vbafuvbi ni Maresa.

2 Dzikoronika 14:11

Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.

Ezira 8:22

Kholu eni nyi di khala dzitshoni gu lomba ga mufumeli, masotshwa ni vakhileli nya dzikavalu, gu va hi vhikele ga valala ndzilani; kholu ethu hi di ganede ga mufumeli hi mu embela, khethu: “Gyandza gya Nungungulu wathu, gyomo ga vatshavbo vale va vbwetago wuwadi; aholu tshivba yaye ni likhulo laye, sa gu dwana ni vatshavbo vale va mu pfhurarelago.”

Dzindzimo 124:8

Giphaso gyathu ha gu gi mana linani la Pfhumu Nungungulu, a nga gira ndzadzi ni mafu.

Dzindzimo 125:1

Avo va tumbago Pfhumu Nungungulu va ngu fanana ni gigomo gya Siyoni, gi si tsekatsekigo, gi tiyidego kala gupindruga.

Dzindzimo 33:16

Mwalo mufumeli a dzi vbanyisago khu talo nya dzinyimbi dzaye; ambari ndrena gu dzi vbanyisa khu tshivba yaye nya yikhongolo.

Dzindzimo 33:17

Dzikavalu nya nyimbi khandridzo dzi ningago muthu gupala; ambari na dziri ni tshivba nya yikhongolo, mwalo a dzi kodzago gu vbuluga.

Mavingu 21:31

Khu litshigu nya litunga, va gu dongisela kavalu, aholu Pfhumu Nungungulu khuye a ningago tshivba nya gupale.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Mikeya 7:8

Uwe nala wangu, u nga tsaki kholu nyi thegedwego khu libango; ambari nya gu bani nyi thegide, nyi na wuga nyaluphye; ambari nya gu vbanya gidemani, Pfhumu Nungungulu a na khala wenengedzo wangu.

Josuwa 11:4

Khavbo avbo, avo va di duga gumogo ni masotshwa yawe yatshavbo, ni gidzemo nya gingi nya gutale ngudzu kha nga fungu wa phwani; ni dzikavalu gumogo ni dzikareta nya gutale ngudzu.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”

1 Samuweli 17:45

Khu guralo, Dhavhidhe a di embela Mufilisitiya, khuye: “Uwe wa guta gwangu u ta nyi dwanisa na wuri ni litshari, ni giholoma gumogo ni sighalala nya sugu, aholu eni nya guta gwago khu lina la Pfhumu Nungungulu nya Tshivba Yatshavbo, Nungungulu nya Dzitshivba dza Israyeli, Uye uwe u mu vadego.