Dzindzimo 20:4 - Bhibhiliya Nya Guage

⁴ A na gu ninge esi monyo wago wu suvago, a tiyisa satshavbo u pimisago gu gira!

Dzindzimo 20:4 Iomraidhean Croise

2 Samuweli 24:23

Arawuna a di ningela satshavbo sesi ga mufumeli, a engedza a embela mufumeli, khuye: “Pfhumu Nungungulu wago a na gu hakhe!”

2 Dzikoronika 9:12

Mufumeli Solomoni a di ningela ga pfhumugadzi ya Sabha, satshavbo iso yi nga si suva ni gu mu lomba, vbavbandze nya sihiwa a mu ningidego nya guningane nesi a dzudego naso. Khu guralo, uye a di bwelela tigoni gwaye gumogo ni sithumi saye.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 21:2

U mu girede gugola nya monyo waye, khwa muma esi a nga lombago khu likana laye.

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

Mavingu 11:23

Gitumbo gya va nya gululama gya gu hegisa khu matsenya, aholu gya va nya guvivbedwa khu monyo, gya gu hegisa khu tshanisa.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Johane 11:42

Nyi ngu dziti gukheni u ngu nyi yingisa gikhati gyatshavbo, aholu nyi di ganela esi khu kotani nya vathu va nyi randredego, gasi vatshavbo vakhodwe gukhavo khuwe u nyi rumedego.”

Johane 16:23

“Litshigu lolo gi mwalo mu na nyi wudzisago. Nyi ngu mi embelani, khu lisine, nya gukheni: Satshavbo iso mu na lombago ga Babe khu lina langu, uye a na mi ningani.

Valamuli 13:23

Mwangadzi waye a di mu hakha, khuye: “Nari gupwani Pfhumu Nungungulu a di vbwetide gu hi songa, gima na sa dzumela gu hakha khu mandzani gwathu phaso nya guvbiswe ni ningelo nya wuguvbi, ambari gu hi yeyedza silo sesi satshavbo ni gu hi tivisa silo nya nga esi khu gikhati gegi.”

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.