Dzindzimo 2:12 - Bhibhiliya Nya Guage

¹² Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 2:12 Iomraidhean Croise

Genesi 41:40

Uwe kamwe khuwe u na khalago muthangeli nya ndranga yangu. Vathu vangu vatshavbo va na thangedwa khu uwe, eni basi khu vbagikhalotunu nya wufumu, kheni nyi na gu bani nyiri khongolo guvbindra uwe.”

1 Dzipfhumu 19:18

Ambari khu kharato, nyi di tshiya livbandre na mavili magumi mazana (7000) vama nya guvbanye tigoni ga Israyeli, avo va ngamba khozela nungungulu Bhahali, ni sihofu sawe si ngamba mu bhejari.”

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 109:20

Pfhumu Nungungulu a na livbe kharati valala vangu, ni vatshavbo va ganelago guvivba khu eni.

Dzindzimo 2:5

A na va embela na tade khu likhulo, a va thela hwanga khu likhulo laye, khuye:

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Dzindzimo 31:20

Uwe u na va siha sihaloni nya khovbe yago, hwindzo nya mayunga nya vathu u gu va siha tshatshani gwago, hwindzo nya malimi ma fakazago malipha.

Dzindzimo 34:8

Lingani mupwa edzi Pfhumu Nungungulu a gu wadi khidzo; kategide wule a thavelago avbo gwaye.

Dzindzimo 34:9

Ningani githawo Pfhumu Nungungulu enu sihathwa saye, kholu gimwalo gi na kenelelago ga avo va mu ningago githawo.

Dzindzimo 40:4

Kategide muthu wule a tumbago Pfhumu Nungungulu, kha thendregedzi a khedzisa va nya matshandza, gambe kha vbweti avo va landrago malipha.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Mavingu 16:20

Uye a yingisago gululekwa, a na dugelela, ni uye a tumbago Pfhumu Nungungulu, a na mana makategwa.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Jeremiya 17:7

Kategide muthu wule a tumbago Pfhumu Nungungulu, a vegago gitumbo gyaye ga Pfhumu Nungungulu.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Sofoniya 2:2

Mu si gu phalalegiswi kha nga mungu wu mwalalegago khu litshigu limwedo, mu si gu thegedwi khu likhulo nya guthise la Pfhumu Nungungulu; ina, mu si gu vbohedwi khu litshigu nya likhulo la Pfhumu Nungungulu.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Varoma 10:11

Kholu Milowo nya Guage yi ngu hi embela gukhiyo: “Wule a khodwago gwaye gima kha na nga thedwa dzitshoni.”

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 2:6

Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!