Dzindzimo 18:43 - Bhibhiliya Nya Guage

⁴³ Uwe u di nyi vbulugisa mayungani ya vathu vangu, U nyi gira muthangeli nya mayigo; lihundzu nyamba liti li ngu nyi thumela.

Dzindzimo 18:43 Iomraidhean Croise

2 Samuweli 19:9

Vathu vatshavbo, ni mahundzu yatshavbo ya na Israyeli, va di ganedzisana, khavo: “Mufumeli a hi tshudziside mandzani ga valala vathu; a hi vbulugiside mandzani ga Vafilistiya, gasi olu hi tutumide tigoni khu gu thava Abhisalamo.

2 Samuweli 3:1

Gu manegide nyimbi yi vbedzidego myaga nya yingi vbakari ga ndranga ya Dhavhidhe, ni ndranga ya Sawule, Dhavhidhe a di simama gu andra khu tshivba, aholu linyumba la Sawule li di bwelelela hwane.

Dzindzimo 108:9

Litigo la Mowabhi ginamelo nyi hambelago umo; nyi na rinya silato sangu tigoni ga Edhomi; nyi na ghiya khu gu pala Vafilisitiya.”

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 52:15

Kharato nugo a na samadzisa mayigo nya mangi, ni vafumeli va na sega magana khu mahungu yaye; kholu iso va ngamba tiviswa va na si wona, niso va ngamba sipwa, va na si pima.

Isaya 55:5

Wona nya gukhuwe u na rana litigo u si litigo, ni litigo li si gutigo li nata vbafuvbi gwago, khu kotani nya lihaladzo la Pfhumu Nungungulu wago, ni la Nya guage wa Israyeli, kholu uye a gu ningide wudhumo.

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 15:12

A nuye muprofeti Isaya a ngu ganela, khuye: “Gi nata gitugulwana gya Jese, gi na ema gi fuma mayigo, va nya mayigo va na tumba igyo.”

Varoma 15:18

Eni kha nyi tiyeli gu ganela khu simbe silo vbavbandze nya esi Kristo a thumidego khu mandza yangu gasi gu wuyisa va nya mayigo vata khodwa ga Nungungulu. Esi si giregide khu magana ni mithumo,

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Vaefeso 1:22

Nungungulu vegide silo satshavbo vbavbatshi nya migondro ya Kristo, a mu emisa kha nga muthangeli nya silo satshavbo ni hungo nya Libandla.

1 Pedro 2:10

Gale enu mu di siri vathu va Nungungulu, Olu mu vathu vaye; gale mu di si wuti wuhindzi wa Nungungulu, olu mu wu hakhide.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”