Dzindzimo 18:14 - Bhibhiliya Nya Guage

¹⁴ A di rinya sighalala saye a va phalalegisa, a di va tutumisa khu gulasa gwaye.

Dzindzimo 18:14 Iomraidhean Croise

Joba 37:4

Khu hwane nya esi, gu pwala gudzuma nya guzindze gwaye nya guthise. Lito laye la gu zindza, mwalo a li himbedzelago.

Joba 37:5

Nungungulu a gu zindza khu lito nya gusamadzise, a gira siliwugiso nya singi hi si kodzigo gu si pima.

Joba 38:35

Mwendro u ngu kodza gu embela mabara ma duga, ma ganela khayo: Hi womo avba, gani?

Joba 6:4

Kholu nyi payidwe khu sighalala sa mune nya Tshivba Yatshavbo, wuhungu wawe wu ngu phalalega ni mili wangu watshavbo. Nungungulu somide gu nyi thusedzela.

Dzindzimo 144:6

Rumela mabara yago u phalalegisa valala vangu; khwandra siholoma sago u va phalegisa va thava.

Dzindzimo 21:12

kholu uwe u na va tutumisa u khwandra wulaho u va hekha girumbu, u gu va bayisa khu sighalala.

Dzindzimo 29:3

Lito la Pfhumu Nungungulu li ngu pwala vbatshani nya mati, Nungungulu nya wudhumo a ngu zindza kha nga libara, Pfhumu Nungungulu a ngu wonega vbatshani nya talo nya mati.

Dzindzimo 29:7

Lito la Pfhumu Nungungulu la gu dusa malavbelavbe nya nilo,

Dzindzimo 77:17

Mapfhi ma di wisa ndzadzi, gudzuma mabara damboni; dzinyangafula dzi di duga khu maphuvbo yatshavbo.

Dzindzimo 77:18

Gudzuma nya mabara yago gu di pwala malangani gwatshavbo; gulasa gu di wenengedza litigo latshavbo, litigo li di kutsungwa li ndrendremela.

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.

Mitengo 24:8

Nungungulu duside Israyeli khu Egipito, a mu ningide tshivba nya gufanane ni nyari, Uye a na vbedza mayigo ya valala vaye, a na pandrelela marambo yawe a va hekha khu sighalala sawe.

Dhewuteronome 32:23

Nyi na wungedzela gwawe mabango nya mangi, nyi na vbedza siholoma sangu khu gu va khwandrela.

Dhewuteronome 32:42

Sighalala sangu nyi na si lovega novbani, (makoke wangu wu na hodza nyama), khu novba nya avo va fudego ni sibotshwa ni mihungo ya vathangeli ya valala.

Josuwa 10:10

Pfhumu Nungungulu a di va tadza khu hwanga mbeli ga va na Israyeli, va dwana navo va sasedwa khu va na Israyeli vbafuvbi ni Gibheyoni, va va lundra khu ndzila yiyago Bheti-Horoni, a va sasela kala Azeka ni Makedha.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”