Dzindzimo 17:3 - Bhibhiliya Nya Guage

³ Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Dzindzimo 17:3 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Joba 24:14

Musongi a gu wuga gu ngari dzimindru ngudzu, aya songa gisiwana ni muhamugi, vbawutshigutunu a gu khala mbafa.

Dzindzimo 11:5

Pfhumu Nungungulu a ngu wona oyu nya gululame ni oyu nya guvivbe, a venga oyu a golago wughevenga.

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 139:1

Pfhumu Nungungulu, uwe u nyi holelede gwadi, olu u ngu nyiti.

Dzindzimo 139:23

Nyi khedzise gwadi, uwe Nungungulu; nyi linge uti mapimo yangu;

Dzindzimo 16:7

Nyi ngu rungudza Pfhumu Nungungulu a nyi layago, ni vbakari nya wutshigu, monyo wangu wu ngu nyi dundrugisa.

Dzindzimo 26:2

Nyi khedzise, Pfhumu Nungungulu, nyi linge, wona gugola nya monyo wangu ni mipimiso yangu;

Dzindzimo 39:1

Eni nyi di, kheni: Guvbanyani gwangu nyi na landra ndzila yangu, gasi nyi si ghohi khu lidimi langu; va nya guvivba va gu bani vari vbafuvbi gwangu, nyi na degula heni hwi.

Dzindzimo 66:10

Kholu uwe Nungungulu u hi lingide, u hi agisa kha nga idzo yi agiswago khidzo parata.

Dzindzimo 7:4

nya gu bani nyi bweledzede khu guvivba oyu a nga nyi phasa, nya gu bani nyi digide gu tsayisa oyu a nga nyi hosela,

Mavingu 13:3

Uye a si ganeligo ngudzu a gu sayisa womi waye, aholu uye nya mapongowongo, a gu dzi vangela lufu.

Jeremiya 12:3

Aholu uwe, Pfhumu Nungungulu U ngu nyiti, U ngu nyi wona, gambe U ngu khedzisisa monyo wangu idzo wu gu golago khidzo; va nya guvivba va ndrindrele phuvbo gufanane ni nvuta yi yiswago gusongwatunu! Va dongisele litshigu nya gusongetedwe.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Hoseya 7:6

Kholu va dongisede myonyo yawe ni litindzalo, na va gu lindrela, wutshigu watshavbo va lala khu giviti , aholu, me ni gugya, gya gu khondra kha nga malavbelavbe nya nilo.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:2

Khu mani a na li tiyelago litshigu nya gute gwaye? Khu mani a na gu ema mbeli gwaye a tiya, a gu dzi wonegisa? Kholu uye a nata nga nilo nya tengele wa mupfhuli, ni sabawu ya muhandzi.

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 16:9

Ni wutshigu, Pawulo a di wona giwoniso: Mwama moyo wa Makedhoniya na emide a di mu lomba, khuye: “Delu Makedhoniya u ta hi phasa”

1 Vakorinto 4:4

Eni kha nyi dzipwi na nyiri ni nandru wa gilo. Ambari ulo, kha nyi dzi woni nga muthu nya ndruda. Pfhumu khuye a nyi lamulago.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Samuweli 24:10

Maho yago kamwe ma ngu wona gu khayo muhuno Pfhumu Nungungulu a gu ningede mandzani gwangu phagoni momu, vambe va di nyi embela khavo nyi na gu songe; aholu mandza yangu ma bombide, kholu nyi di ganela, kheni: “Kha nyi na khusedza gyandza gyangu nyi songa mune wangu oyu a todzidwego khu Nungungulu.

1 Samuweli 24:12

Pfhumu Nungungulu a na lamule eni ni uwe, a na nyi phodzele Pfhumu Nungungulu khu kotani yago, aholu eni kha nyi na nga khusa mandza yangu nyi gu kuha.

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”

1 Samuweli 26:23

Pfhumu Nungungulu a na bweledzele moyo ni moyo mayelano khu gutumbega gwaye ni gululama gwaye; kholu Pfhumu Nungungulu, muhuno a di gu gu ningede mandzani gwangu, aholu eni kha nya dzina gu khusa mandza nyi songa uye a todzidwego khu Pfhumu Nungungulu.