Dzindzimo 17:1 - Bhibhiliya Nya Guage

¹ Yingisa Pfhumu Nungungulu, gululama nya mahungu yangu, hakha gulila gwangu; yingisa nombelo wangu, kha wu dugi khu kanani nya malipha.

Dzindzimo 17:1 Iomraidhean Croise

2 Samuweli 22:24

nyi tumbegide mahoni gwaye nyi dzi vegisa nyamba ghoha.

2 Dzikoronika 7:15

Olu maho ni dzindzeve dzangu, si tulegide gu yingisa nombelo wa wulanga wowu,

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Joba 16:17

ambari nyi gu mwalo guvivba nyi giridego, nombelo wangu wu na age.

Dzindzimo 102:2

U nga nyi siheli khovbe yago nya gu bani nyi romo sigaradzoni; neredza ndzeve yago u nyi yingisa; vbiredza gu nyi hakha gikhati nyi gu ranago.

Dzindzimo 140:12

Pfhumu Nungungulu, nyi ngu dziti gukheni u ngu lamulela gisiwana, u ngu lulamisa mahungu ya ava va hamugago.

Dzindzimo 142:1

Nyi ngu khusa lito nyi womba huwa ga Pfhumu Nungungulu; nyi ngu lombelela ga Pfhumu Nungungulu.

Dzindzimo 142:6

Yingisa gulila gwangu, nyi mwalo gambe tshivba; nyi vbulugise ga avo va nyi tshanisago, kholu va ngu nyi pala khu tshivba.

Dzindzimo 143:1

Pfhumu Nungungulu, hakha nombelo wangu, neredza ndzeve u yingisa gulila gwangu, nyi hakhe khu gululama ni gutumbega gwago.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 18:20

Pfhumu Nungungulu a di nyi phara gukhedza khu gululama gwangu, a nyi tshatshazela, kholu mandzani gwangu gu mwalo nandru.

Dzindzimo 18:44

Va nya mayigo va nguta va ta khoza gwangu, avo va nga nyipwa, va di nyi yingela.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 5:2

Hakha lito nya gulile gwangu, uwe Pfhumu ni Nungungulu wangu. Nya gu lomba gwago.

Dzindzimo 54:4

Nungungulu khuye muphasedzeli wangu, Pfhumu Nungungulu khuye a sayisago womi wangu.

Dzindzimo 55:18

Vbulugisa hefemulo wangu, khu gurula, ga avo va nyi lundrago; kholu avo vangi.

Dzindzimo 61:1

Nungungulu, yingisa huwa nya wuvi wangu, hakha nombelo wangu.

Dzindzimo 61:2

Nyi ngu gu rana khu mahegiso nya litigo, kholu monyo wangu wu ngu vbela tshivba, nyi yise giwindrini nya gukhugege ngudzu u nyi sayisela avbo.

Dzindzimo 66:19

Aholu, Nungungulu a nyi yingiside ni gu hakha lito nya nombelo wangu.

Dzindzimo 7:8

Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 84:9

Uwe Nungungulu muvhikeli wathu, kategisa wule u mu hathidego gu khala mufumeli.

Dzindzimo 86:1

Uwe Pfhumu Nungungulu, neredza ndzeve u nyi yingisa u nyi ninga phindrulo, kholu nyi musaniseki ni muhamugi.

Dzindzimo 86:6

Yingisa Pfhumu Nungungulu, nombelo wangu yingisa lito nya milombelo yangu.

Dzindzimo 88:3

Kholu hefemulo wangu wu garade khu gutshaniseka, nyi womo vbafuvbi ni gufa.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

1 Johane 3:21

Khu guralo, sigodwa sangu, myonyo yathu ya gumba hi kona, hi tiyide mbeli ga Nungungulu.