Dzindzimo 15:4 - Bhibhiliya Nya Guage

⁴ wule a nyenyago va nya guvivba, a rungudzago avo va ningago githawo Pfhumu Nungungulu; oyu a si bweleligo hwane ga gisambanyo gyaye; ambari na gu wona gukhuye gu na gira mhango.

Dzindzimo 15:4 Iomraidhean Croise

2 Dzikoronika 36:13

Gu diga isoso, a di wugela gambe mufumeli Nabhukodhonosori, uye a nga bani a sambanyide gwaye khu lina la Nungungulu gu mu thumela, a di bangisa monyo waye, kha nga vbindrugedza mavbanyelo a wuya ga Pfhumu Nungungulu wa Israyeli.

Dzindzimo 101:4

Avo va vivbidego myonyo va na khale hwindzo ni eni; kha nyi vbweti gupwa mahungu nya guvivbe.

Dzindzimo 101:6

Maho yangu nyi na ma vega ga vathu va tumbegidego tigoni, gasi nyi kodze gu khala gumogo navo; uye a gimbilago khu ndzila nya gululame, a na nyi thumela.

Dzindzimo 119:63

Eni nyi pari ya vatshavbo va gu ningago githawo, ni ya vale va landrisago sileletelo sago.

Dzindzimo 16:3

Vanungungulu nya malipha va mafuni, avo va gupwani va na ni tshivba, avo gale nyi nga bani nyi va khozela, kha va phasi gilo.

Matewu 5:33

“Mu pwide gambe iso va nga embedwago va gale, gupwani: ‘U nga sambanyi malipha, aholu u na landrisa gisambanyo u nga girago ga Pfhumu.’

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 28:10

Avo navo va di hi sayisa khu githawo ngudzu. Litshigu hi nga khuga gambe khu ngalava, va di hi dongisela liendro lathu khu satshavbo esi si vbwetegago.

1 Johane 3:14

Hi ngu dziti gukhethu hi dugide khu gufani hi bela guvbanyani. Ha gu dziti kholu hi ngu haladza vandriyathu. Oyu a si haladzigo ndriyaye a nga fude.

Valamuli 11:35

Gikhati a mu wonego, a di pferula dzingandzu dzaye a ganela, khuye: “Yo! Mwanangu, nyi ngupwa wuvi nya wukhongolo khu kotani gwago, kholu nyi giride gisambanyo ga Pfhumu Nungungulu nyi si yeligo gumba gi landrisa.”