Dzindzimo 15:2 - Bhibhiliya Nya Guage

² Khoyu basi a gu na ni mavbanyelo nya gululame, a vbanyago khu ndruda, a ganelago lisine monyoni gwaye;

Dzindzimo 15:2 Iomraidhean Croise

Dzindzimo 24:4

Khu uye a gu ni mandza ma lulamidego a gu ni monyo wu agidego, a si tumbigo vanungungulu nya malipha, a si sambanyigo malipha.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Mavingu 28:18

Muthu a gimbilago khu ndzila nya gululame, a na vbuluga, aholu uye a gimbilago khu ndzila nya guwegele, a na thega khu githugedza.

Isaya 33:15

Wule a gimbilago khu ndzila nya gululame ni gu ganela lisine; oyu a si khathaligo khu dzithomba nya guphangwe, oyu a si hakhigo khu mandzani gwaye silo nya gu rengeledwe; oyu a tshikago dzindzeve gasi a si yingisi mahungu nya gusonge, oyu a segago maho gasi a si woni guvivba.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Mikeya 2:7

Enu mu gu situgulwana sa Jakobe, ina Liphuvbo la Pfhumu Nungungulu li ngu vbiredza gu goroga, gani? Ina khayo aya mathumelo yaye, gani? Ina magana yangu ma ngu gira wuwadi ga wule a gimbilago khu ndzila nya gululame, gani?

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Mithumo 10:35

gambe kha khedzi mafumbo, a gu tsakiswa khu muthu ni muthu a mu ningago githawo ni gu landra ndruda Yaye.

Varoma 2:10

Aholu Nungungulu a na ninga wudhumo ni wuzundzo ni gurula ga vatshavbo vale va girago nya sadi, guphela khu Mujudha kala va nya mayigo.

Vagalatiya 2:14

Na nyi wone gukheni mithumo yawe yi ndreyide ndzilani nya Ivhangeli, nyi di embela Pedro vbakari nya vathu vatshavbo, kheni: “Uwe u gu Mujudha wa gu vbanya kha nga moyo a si gu Mujudha. Khu ginani u vbweta gu gurumedza ava va si gu Vajudha gu landrisa milayo nya tumbunugo wa Vajudha?”

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vakolosi 3:9

Mu nga liphelani khu gyanu. Enu mu tshude muthu wa gale ni mavbanyelo yaye,

Vahebheru 11:33

Avo khu gukhodwa, va dwanide ni mifumo yatshavbo va yi pala. Va giride nya sadi, va gu hakha ga Nungungulu esi va nga tumbiswago. Va di sega magana nya dzinghala.

1 Johane 2:29

Kha nga mu dzitigo gukhenu Kristo lulamide gima kha gira gilo nya guvivbe, dzitini gambe gukhenu oyu a girago esi nya gululame, velegidwe khuye.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.

1 Johane 3:7

Vanavangu, mu nga dzumeli mu sengwa khu muthu! Oyu a girago esi nya lisine lulamide, kha nga nuye Kristo a lulamidego.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”