Dzindzimo 149:4 - Bhibhiliya Nya Guage

⁴ Kholu Pfhumu Nungungulu a ngu tsakiswa khu vathu vaye; va nya gusolega, a gu va ninga wuzundzo nya gupale.

Dzindzimo 149:4 Iomraidhean Croise

Dzindzimo 117:2

Kholu lihaladzo laye ga ethu likhongolo ngudzu, gutumbega ga Pfhumu Nungungulu gu ngu simama kala gupindruga. Aleluya! A na dhumiswe Pfhumu Nungungulu!

Dzindzimo 132:16

Nyi na ninga vaphasi vago nya mhamba tshivba nya gu lamule vambe, va na kulungela khu gutsaka vale va khodwago gwaye.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 22:8

“Tumbide Pfhumu Nungungulu, a na vbanyiswe khuye; a na mu vbanyise a gu bani a mu haladza.”

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 90:17

Wuhigo wa Pfhumu Nungungulu wathu, wu na fenengedze vbatshani gwathu; hi kategisele thumo nya mandza yathu; ina, tiyisa thumo nya mandza yathu.

Mavingu 11:20

Pfhumu Nungungulu a gu nyenya va nya myonyo yi vivbidego, aholu a ngu nengedziswa khavo va gimbilago khu ndzila nya gululame.

Gizimba 1:11

Hi na gu girela karara nya ndralama, hi wu mburisela khu dzibutawu nya parata.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Vahebheru 12:10

Vavelegi vathu nya giwuthu va di hi tsayisa gikhati nya gidugwanana, gupima khu ugo va nga gu wona nari gwadi, gasi Nungungulu, a gu hi tsayisa khu gufela gukhuye hi phasege, hi mana gu bela guagani gwaye.

1 Pedro 3:4

Aholu, wumburi wanu wu na khale khu myonyoni gwanu, kholu, khuwo wumbiri nyamba vbela, wumburi nya liphuvbo nya gurule, nya ndruda, khiso si gu na ni lisima ga Nungungulu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.