Dzindzimo 149:3 - Bhibhiliya Nya Guage

³ Va na dhumise lina laye khu gu hana, va embelela na va gu womba sitendre ni dzingoma.

Dzindzimo 149:3 Iomraidhean Croise

2 Samuweli 6:14

Dhavhidhe a di hana khu tshivba yaye yatshavbo mbeli ga Pfhumu Nungungulu na ambade efodhe nya seda.

2 Samuweli 6:16

Avbo Ngasa ya Pfhumu Nungungulu yi nga belago Dhoropani, Mikali, nyamahegyane wa Sawule a di gu holelela khu vbagihogotunu a wona mufumeli Dhavhidhe na gu ndragandraga a hana mbeli ga Pfhumu Nungungulu, uye a di swireka monyoni gwaye.

1 Dzikoronika 16:42

gumogo navo gu diromo Hemani ni Jedhutumi, va nga bani va womba mipundru ni siphaphato nya dzisimbi dzimindrudzile nya gudhumise Nungungulu; va na Jedhutumi va diri vawoneleli nya dzinyangwa.

1 Dzikoronika 25:6

Vatshavbo va di gu thangedwa khu babe wawe gasi gu embelela Nyumbani ga Pfhumu Nungungulu va womba siphaphato nya dzisimbi, ni dzimbila ni sitendre, khu thumo wa Nyumbani gwa Nungungulu, Asafi, Jedhutumi ni Hemani na va gu leletedwa khu mufumeli.

2 Dzikoronika 20:28

Va di vboha Jerusalema vaya bela Nyumbani ga Nungungulu na va gu womba mihwambi, sitendre ni mipundru.

2 Dzikoronika 29:25

A di emisa va na Levhi Nyumbani ga Pfhumu Nungungulu, na vari ni dzingoma ni sitendre ni dzimbila, kha nga guleletela ga Dhavhidhe ni Gadhi, muwoneleli wa mufumeli ni wa muprofeti Natani; kholu gileletelo gegi, gi dzude khu ga Pfhumu Nungungulu, khu magana ya vaprofeti vaye.

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Dzindzimo 30:11

U vbindrugedzide gililo gyangu khu gutsaka; U nyi tshude gilendra, u nyi ambagisa mwendra nya gutsake.

Dzindzimo 33:2

Rungudzani Pfhumu Nungungulu khu gitendre, mu embelela dzindzimo khu gitendre nya likhumi dzingodzi.

Dzindzimo 81:2

Embani mu womba mitandrandra, embani dzindzimo nya gutsake khu gitendre ni gitoliyo.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 87:7

Ni avo va embelelago ni gu hana, va na ndraga khu gutsaka, khavo: Sibuga sathu somo avbo gwago.

Ekisodha 15:20

Khavbo avbo, Miriyamu, nyamayi nya muprofeti, ndruye wa Aroni, a di phara tandrandra mandzani, vanyamayi vatshavbo va di duga vbavbandze ni mitandrandra yawe, va hana.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Valamuli 11:34

Gikhati Jefiti a vbohidego ndrangani gwaye Misipa, gu di duga nyamahegyane waye a mu khinga nari ni singomana, na gu hana, nyamahegyane yoyu a diri gyanana gyaye gya gimwegyo avbo ga Jefiti, uye a diri mwalo gimbe gyanana nya gikhwathana mwendro nya gyagadzyana.