Dzindzimo 147:5 - Bhibhiliya Nya Guage

⁵ Khongolo khu Nungungulu wathu nya Tshivba Yatshavbo; guti gwaye gu mwalo mivbingano.

Dzindzimo 147:5 Iomraidhean Croise

1 Dzikoronika 16:25

kholu Pfhumu Nungungulu khongolo, fanede gu rungudzwa, a ngu thavisega guvbindra vanungungulu vatshavbo.

Joba 36:5

Khedza gukhuwe Nungungulu khongolo ngudzu; gambe kha nyenyi muthu; khongolo khu tshivba nya guti.

Dzindzimo 135:5

Kholu nyi ngu dziti gwadi gukheni Pfhumu Nungungulu khongolo, ni gu, Nungungulu wathu womo vbatshani guvbindra vanungungulu vatshavbo.

Dzindzimo 145:3

Pfhumu Nungungulu khongolo, a na ni fanelo nya guzundzwe; wugulu waye kha wu kodzwi gu pimwa.

Dzindzimo 40:5

U hi girede siliwugiso nya singi, Uwe Pfhumu Nungungulu wangu, mwalo muthu a fananago ni uwe, khu makungo u giridego nya guphasedzele ethu; eni nya gu gola gu ma pwadza nyi ma tivisa, aholu ma tade ngudzu nyamba kodza ni gu sayedwa.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Dzindzimo 99:2

Pfhumu Nungungulu khongolo Siyoni, khusegide vbatshani nya mayigo yatshavbo.

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Dhaniyeli 2:20

Dhaniyeli a di ganela, khuye: Li na rungudzwe lina la Nungungulu kala gupindruga; kholu tshivba ni guti sa gu lumba uye.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.