Dzindzimo 146:6 - Bhibhiliya Nya Guage

⁶ a nga vanga ndzadzi, mafu ni linene, ni satshavbo si guromo umo, a tumbegidego gikhati gyatshavbo;

Dzindzimo 146:6 Iomraidhean Croise

Genesi 1:1

Guhegulani Nungungulu a di vanga ndzadzi ni mafu.

Dzindzimo 100:5

Kholu Pfhumu Nungungulu khwadi, lihaladzo laye li ngu simama kala gupindruga, gutumbega gwaye gu ngu simama ga mimela ni mimelana.

Dzindzimo 115:15

Pfhumu Nungungulu giridego ndzadzi ni mafu, a na mi kategise, enu mwatshavbo.

Dzindzimo 117:2

Kholu lihaladzo laye ga ethu likhongolo ngudzu, gutumbega ga Pfhumu Nungungulu gu ngu simama kala gupindruga. Aleluya! A na dhumiswe Pfhumu Nungungulu!

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 89:2

Nyi di huwelela kheni lihaladzo lago li ngu simama kala gupindruga; gutumbega gwago gu mwalo mahegiso kha nga ndzadzini.

Dzindzimo 89:33

ambari ulo nyi na sayisa lihaladzo langu ga Dhavhidhe, gutumbega gwangu gu na simama gwawe.

Dzindzimo 95:5

Linene la gu lumba Uye, khuye a nga li gira; khu mandza yaye a wumbide litigo.

Dzindzimo 98:3

Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Johane 1:3

Satshavbo silo si vangidwe khu tshivba yaye, gimwalo gi nga vangwa nyambana ilo.

Johane 10:34

Jesu a di va hakha, khuye: “Ina kha ga lowa Nayo wanu nya gupwani: Eni nyi ganede gukheni enu mu vanungungulu, gani?”

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Dhewuteronome 7:9

Khala nu gu dziti nya gukhuwe Pfhumu Nungungulu wago, Nungungulu nya gutumbege, a vegedzago gidzumeledzwano ni gu girela wuhindzi kala gitugulwana nya likhumi mazana (1.000), ga vale va mu golago ni gu landrisa milayo yaye;

Vakolosi 1:16

Nungungulu vangide khu uye silo satshavbo sa Ndzadzini ni mafuni, esi si wonegago ni esi si si wonegigo, dzitshivba nya maphuvbo, sikhalo nya wufumu, mufumo, vafumeli ni dzitshivba. Nungungulu vangide silo satshavbo khu Kristo, a gu si vangela Kristo.

Tito 1:2

li gu seketedwa khu gutumba nya guvbanye nya gupindruge. Nungungulu a si liphigo, a hi tiviside ogu guvbanya khu gale ni gale.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Gutuledwa 14:7

Ngilozi yi di huwelela khu tshivba, khigyo: “Ningani githawo Nungungulu, mu dhumiseni kholu gi vbohide gikhati gyaye nya gulamule! Khozelani Muvangi nya ndzadzi ni mafu ni linene ni sifefe nya mati.”