Dzindzimo 145:3 - Bhibhiliya Nya Guage

³ Pfhumu Nungungulu khongolo, a na ni fanelo nya guzundzwe; wugulu waye kha wu kodzwi gu pimwa.

Dzindzimo 145:3 Iomraidhean Croise

1 Dzikoronika 16:25

kholu Pfhumu Nungungulu khongolo, fanede gu rungudzwa, a ngu thavisega guvbindra vanungungulu vatshavbo.

Joba 26:14

Esi satshavbo gipandre basi nya mithumo yaye, hi pwide gipandre nya gidugwana nya ndruma yaye basi. Aholu khu mani a yelago guti tshivba nya guzindze gwaye, na?”

Joba 36:26

Wona gukhuwe Nungungulu khongolo ngudzu, a ngu vbindra iso hi si pimisago, tengo nya myaga yaye a manegidego khiyo, mwalo a wu sayago.

Joba 37:23

Mwalo uye a kodzago gu hidzimela ga Uye a gu na ni Tshivba Yatshavbo, Uye khongolo a na ni tshivba tade khu gululama, gima kha tshanisi muthu.

Joba 5:9

Uye giride silo nya sikhongolo si samadzisago, ni siliwugiso nyambana tengo.

Joba 9:10

Khuye a giridego silo nya sikhongolo, vathu va si kodzigo gu si pima, a gira ni siliwugiso nya gusamadzise tengo wakone wu gumba kodzwa gu saywa.

Dzindzimo 139:6

Ndzila u nyitigo khiyo yi ngu nyi samadzisa ngudzu, yi khusegide, kha nyi kodzi gu yi pima.

Dzindzimo 147:5

Khongolo khu Nungungulu wathu nya Tshivba Yatshavbo; guti gwaye gu mwalo mivbingano.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.