Dzindzimo 143:10 - Bhibhiliya Nya Guage

¹⁰ Uwe khuwe Nungungulu wangu, nyi hevbudze gu gira guhaladza gwago, liphuvbo lago nya wuhindzi, li na nyi gimbidzise khu ndzila nya gululame.

Dzindzimo 143:10 Iomraidhean Croise

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Dzindzimo 118:28

Uwe u Nungungulu wangu, eni nyi na gu rungudza, Uwe u Nungungulu wangu, eni nyi na gu khusedza.

Dzindzimo 119:12

U na rungudzwe uwe Pfhumu Nungungulu! Nyi hevbudze guti milayo yago!

Dzindzimo 119:35

Nyi gimbidzise khu ndzila nya sileletelo sago, kholu khiso si nyi tsakisago.

Dzindzimo 139:24

u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Dzindzimo 140:6

Eni nyi di ganela ga Pfhumu Nungungulu, kheni: “Uwe khuwe Nungungulu wangu; yingisa huwa nya gulile gwangu.”

Dzindzimo 22:1

Nungungulu wangu, Nungungulu wangu, khu ginani u nyi digidego? Ambari nyi wombago dzihuwa, nombelo wangu kha wu vbohi gwago.

Dzindzimo 23:3

A ya wusedza umo tshivba yangu. Uye a ngu nyi gimbidzisa dzindzilani nya gululame khu kotani nya lina laye.

Dzindzimo 25:12

Muthu a thavago Pfhumu Nungungulu, Uye a na mu hevbudza ndzila nya gubele khiyo;

Dzindzimo 27:11

Nyi hevbudze ndzila yago Pfhumu Nungungulu, nyi gimbidzise khu ndzila nya gululame khu kotani nya talo ya valala vangu;

Dzindzimo 31:14

Aholu, eni nya gu tumba uwe Pfhumu Nungungulu, nyari, kheni: Uwe khuwe Nungungulu wangu.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 63:14

Gukhwatshi girengo gi relelago kovani, Liphuvbo la Pfhumu Nungungulu li di va ninga guhefemula. U di gimbidzisa kharato, vathu vago, gasi gu dzi girela lina nya wuzundzo.

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Mitengo 9:22

Lipfhi la gu fenengedza vbatshani nya Tshatsha, matshigu mavili, ngima moyo mwendro gikhati nya gulaphe ngudzu, na li nga gu vbuvba vbatshani gwaye, va na Israyeli va di simama gu zumba, va di si khugi va gimbila; aholu la gu khusega, avo va di khuga.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

Varoma 15:30

Vandriyangu, nyi ngu mi lombani khu Pfhumu yathu Jesu Kristo ni lihaladzo hi ningwago khu Liphuvbo nya Guage, gukheni mu hengela ni eni, mu nyi lombelela ga Nungungulu khu monyo watshavbo.

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

Varoma 8:2

Kholu nayo nya Liphuvbo nya guvbanye li ningago guvbanya khu gu hi tshanganisa ni Jesu Kristo wu nyi tshude ga nayo nya gighoho ni ga tshivba nya gufe.

Varoma 8:26

Khidzo nugo kharato, Liphuvbo nya Guage li ngu hi phasedzela ethu hi gu mwalo tshivba. Khu lisine, ethu kha hi kodzi gu lombelela kha nga edzi gu vbwetegago khidzo. Aholu, ilo labune Liphuvbo nya Guage khilo li hi lombelelago ga Nungungulu khu gudilela gule nya gumba dzi kodza gu tshamusedwa khu magana.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

2 Thimoti 1:7

Kholu, Nungungulu kha hi ninga liphuvbo nya hwanga, aholu, a hi ningide liphuvbo nya tshivba ni lihaladzo ni gu dzi phara.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.