Dzindzimo 143:1 - Bhibhiliya Nya Guage

¹ Pfhumu Nungungulu, hakha nombelo wangu, neredza ndzeve u yingisa gulila gwangu, nyi hakhe khu gululama ni gutumbega gwago.

Dzindzimo 143:1 Iomraidhean Croise

2 Samuweli 7:25

Gasi olu Pfhumu Nungungulu, tadzisa gitumbiso u tumbisidego githumi gyago ni ga ndranga yaye, u gira kha nga idzo u ganedego khidzo.

Dzindzimo 140:6

Eni nyi di ganela ga Pfhumu Nungungulu, kheni: “Uwe khuwe Nungungulu wangu; yingisa huwa nya gulile gwangu.”

Dzindzimo 17:1

Yingisa Pfhumu Nungungulu, gululama nya mahungu yangu, hakha gulila gwangu; yingisa nombelo wangu, kha wu dugi khu kanani nya malipha.

Dzindzimo 31:1

Pfhumu Nungungulu, eni nyi nguta sihala avbo gwago; nyi nga khali dzitshoni; nyi vbulugise, khu gululama gwago nyi tshule.

Dzindzimo 71:2

Nyi phase u nyi tshula kholu uwe u wadi! Nyi yingise u nyi vbanyisa.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.