Dzindzimo 141:7 - Bhibhiliya Nya Guage

⁷ Marambo yawe ma na phalalega nyangwani nya lithowo, gu fanana ni mafu nya gulimwe ma wusedwa.

Dzindzimo 141:7 Iomraidhean Croise

Dzindzimo 44:22

Aholu khu kotani nya gu gu haladze, hi ngu songetedwa matshigu yatshavbo, va hi gira kha nga dzinvuta nya guye gusindzwatunu.

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Varoma 8:36

Kha nga yi ganelago Milowo nya Guage, khiyo: “Khu kotani yago, hi ngu linga gu mana gufa litshigu latshavbo. Hi girwa nga dzinvuta dziyago gusongwatunu.”

2 Vakorinto 1:9

Kholu hi di dzipwa ethu vamune gukhethu hi nafa, na hi si dzi tumbi ethu wurumba wathu, aholu hi tumba Nungungulu a wusago ava va fudego.

Vahebheru 11:37

Va di pfarwa khu siwindri, vambe va pidwa khu vbakari, vambe va songwa khu matshari. Va di legalega na va ambade malowo nya dzinvuta ni dziphongo. Va diri sisiwana, va saniswa ni gu poyidwa.