Dzindzimo 141:5 - Bhibhiliya Nya Guage

⁵ Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Dzindzimo 141:5 Iomraidhean Croise

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Dzindzimo 125:4

Pfhumu Nungungulu, gira nya sadi ga avo va gu vadi ni ga vale va gu ni monyo wu lulamidego.

Dzindzimo 23:5

U ngu nyi dongisela buzo, mbeli ga valala vangu, u ngu nyi phorodza mafura hungoni gikombe gyangu gi ngu vbalagela.

Dzindzimo 51:18

Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

Mavingu 12:1

Uye a golago gu kawukwa, a gu gola guti, aholu uye a si dzumeligo gu kawukwa, mwalo mapimo.

Mavingu 15:22

Avbo wu gu mwalo wusingalagadzi, makungo ma gu bwelela hwane, aholu avbo gu guromo madhota nya mangi, makungo ma gu duga gwadi.

Mavingu 15:5

Gipumbu kha gi khathali khu sihevbudzo sa babe waye, gasi uye a dzumelago gu kawukwa, muthu nya mapimo.

Mavingu 19:25

Tsayisa mutshanisi gasi gipumbu gi kodza gu mana gihevbulo, laya muthu nya guti a kodza gu engedzela mapimo.

Mavingu 25:12

Mulayi a layago khu wugengeli, ga muthu a yingisago, a gu fanana ni phera nya ndralama, mwendro wulungu nya ndralama yi hutidwego.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Muhevbudzi 7:5

I tshukwana gu kawukwa khu muthu nya guti, guvbindra gu yingisa litembo nya gipumbu.

Levhi 19:17

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Vagalatiya 6:1

Vandriyangu, mwa gu wonani gukhenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a wuya ndzilani nya lisine. Mu dzi wonela gasi mu si lingwi nenu.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.