Dzindzimo 14:3 - Bhibhiliya Nya Guage

³ Aholu, vatshavbo va pengide, va lamade; mwalo na moyo a girago nya sadi, mwalo ni moyo basi.

Dzindzimo 14:3 Iomraidhean Croise

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 15:16

gu na girega kharini ga muthu nya gighohi ni mapimo nya gunyenyeze, oyu a dzegago gighoho a gi gira mati nya gusele?

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Dzindzimo 14:1

Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Dzindzimo 143:2

U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.

Dzindzimo 38:5

Silondra sangu nya makhoro si fufutide si duga wusila, khu kotani nya wuphuguphugu wangu.

Dzindzimo 58:3

Va nya guvivba va gu ghoheka va ngari ndrani, va nya malipha va dzimede va si gu velegwi.

Ekisodha 12:30

Faro a di wuga ni vbakari nya wutshigu, uye ni dzindruna dzaye ni vathu vatshavbo va Egipito. Gu di pwala gililo nya gikhongolo ngudzu tigoni ga Egipito, kholu gu diri mwalo ndranga nyambana girumbi.

Ekisodha 8:31

Pfhumu Nungungulu a di gira kha nga idzo a nga mu lombago khidzo Mosi. Mabhawa ma di mwalalega ga Faro ga dzindruna dzaye ni ga vathu vaye, nyamba tshala ni limwedo basi.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Muhevbudzi 7:29

Iso nyi si manidego basi khesi: Nungungulu a di gira muthu nya gululame, aholu uye a di dzi vbwetela dzimbe dzindzila nya guwegele.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Varoma 3:23

Kholu vathu vatshavbo va ghohide, va hamugisa guralo wudhumo wa Nungungulu.

1 Vakorinto 6:5

Nya gu mi embela esi gasi mu khale dzitshoni, kholu nyi ngu dziti gukheni vbakari gwanu vomo vagengeli va dzi kodzago gu lamula mahungu, va gu dwana va na ndruye ni ndruye.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Dhewuteronome 1:35

Khu lisine, ni moyo nya vathu vava nya gitugulwana nya guvivbedwe khu monyo kha va na wona litigo nya ladi nyi sambanyidego gu li ningela ga vababe vanu,