Dzindzimo 14:1 - Bhibhiliya Nya Guage

¹ Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Dzindzimo 14:1 Iomraidhean Croise

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Joba 15:16

gu na girega kharini ga muthu nya gighohi ni mapimo nya gunyenyeze, oyu a dzegago gighoho a gi gira mati nya gusele?

Joba 22:13

Gambe u ngu ganela, khuwe: A guti ginani Nungungulu khu silo sesi? Ina a ngu kodza gu ndraga mapfhi nya gusivbale ata lamula mahungu, gani?

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Dzindzimo 53:1

Muthu nya giphuguphugu a gu ganela khu monyoni gwaye, khuye: “Mwalo Nungungulu.” Va dzi nyenyeziside khu gu gira guvivba; mwalo na moyo wawe a girago nya sadi.

Dzindzimo 73:3

Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Dzindzimo 92:6

Sipumbu kha si mati mahungu yaya, ambari va nya guhandruga kha va si pimi esi.

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Mavingu 13:19

Muthu a gu mana iso a si dilelago, a gu tsakisa hefemulo waye, aholu gipumbu kha gi dzumeli guhambana ni silo nya guvivbe.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 6:28

Vatshavbo va bangide mihungo, sidambane; kholu avo va gu gimbila va phalalegisa milembo, myonyo yawe yi lemede kha nga sugu ni simbi.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

1 Samuweli 25:25

Mune wangu, u nga theli kota khu mwama yoyu nya dzihanyi, a gu uye Nabhali, kha nga li tshamuselago lina laye. Khu lisine khuye Nabhali kha nga a gu idzo ni wupumbu waye. Gasi eni githumi gyago kha nya ma wona madzaha ya mune wangu, u ma rumidego.