Dzindzimo 139:7 - Bhibhiliya Nya Guage

⁷ Nyi naya hayi gasi gu khala hwindzo ni liphuvbo lago? Nyi na thavela hayi gasi nyi manega hwindzo ni khovbe yago?

Dzindzimo 139:7 Iomraidhean Croise

Joba 22:13

Gambe u ngu ganela, khuwe: A guti ginani Nungungulu khu silo sesi? Ina a ngu kodza gu ndraga mapfhi nya gusivbale ata lamula mahungu, gani?

Jona 1:10

Khu guralo, vama vava va di tala khu hwanga, va mu wudzisa, khavo: “Ginani u giridego?” Vama va di gu dziti gukhavo Jona a di thava mbeli ga Pfhumu Nungungulu, kholu uye a di va embede.

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Mithumo 5:9

Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”