Dzindzimo 139:18 - Bhibhiliya Nya Guage

¹⁸ Nari gu ma sayela, ma ngu vbindra fungu wa phwani khu gutala, hi di hadza gu ma sayela nyamba vboha mahegiso.

Dzindzimo 139:18 Iomraidhean Croise

Dzindzimo 139:3

U ngu nyi wona nya gu bani nyi gimbila ni gu bani nyi lade, u ngu dziti dzindzila dzangu dzatshavbo.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 3:5

Nyi ngu lala nyi mana ligovbe; nyi wuga, kholu Pfhumu Nungungulu a ngu nyi sayisa.

Dzindzimo 40:12

Nyi randredwe khu dzimhango nyambana tengo; mithumo yangu nya guvivbe yi nyi gamide nyamba kodza ni gu hapfhula nyi wona, yingi ngudzu guvbindra ndzudzu wa hungoni gwangu, nya gu dzipwa na nyi vbede tshivba.

Dzindzimo 40:5

U hi girede siliwugiso nya singi, Uwe Pfhumu Nungungulu wangu, mwalo muthu a fananago ni uwe, khu makungo u giridego nya guphasedzele ethu; eni nya gu gola gu ma pwadza nyi ma tivisa, aholu ma tade ngudzu nyamba kodza ni gu sayedwa.

Dzindzimo 40:6

Uwe khwa vbweta miphaso ni miningelo, aholu u nyi tude dzindzeve; khwa lomba miphaso nya sirengo nya guvbiswe, gasi gu handza sighoho sathu.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

1 Vatesalonika 5:10

Uye a difa khu kotani nya ethu, gasi mu guvbanyani ambari gufani hi vbanye gumogo naye gikhati gyatshavbo.