Dzindzimo 136:1 - Bhibhiliya Nya Guage

¹ Aleluya! Bongani Pfhumu Nungungulu kholu khwadi, kholu lihaladzo laye li ngu simama kala gupindruga.

Dzindzimo 136:1 Iomraidhean Croise

1 Dzikoronika 16:34

Bongani Pfhumu Nungungulu, kholu uye khwadi, kholu wuhindzi waye wu ngu simama kala gupindruga.

1 Dzikoronika 16:41

Vbakari gwawe, a di romo gambe Hemani, Jedhutumi, ni vambe va hathidwego malina yawe ma pwadzidwego gasi gu dhumisa Pfhumu Nungungulu, kholu wuhindzi waye wu ngu simama kala gupindruga;

2 Dzikoronika 20:21

A di pwanana ni vathu vaye, a hatha vathu va na gu embelelago mbeli ga Pfhumu Nungungulu va dhumisa wugulu waye nya guage, va thanga mbeli nya masotshwa, khavo: Rungudzani Pfhumu Nungungulu, kholu wuwadi waye wu ngu simama kala gupindruga.

2 Dzikoronika 7:3

Avbo va na Israyeli va nga wonago nilo nya wudhumo wa Pfhumu Nungungulu na wu gutshiga wu tadza nyumba, vatshavbo va di noga va tsitsa khu dzikhovbe mafuni va lombelela ni gu rungudza Nungungulu, khavo: “Rungudzani Pfhumu Nungungulu, kholu khwadi, wuhindzi waye wu ngu simama kala gupindruga.”

2 Dzikoronika 7:6

Vaphasi nya mhamba va di phela gu gira thumo wawe gumogo ni va na Levhi, na va pharide dzingoma nya wutsendze nya guwombele Pfhumu Nungungulu, edzi mufumeli Dhavhidhe a nga bani a va rumide gu gira gasi gudhumisa khidzo Pfhumu, kholu wuwadi waye khwa gu simama kala gupindruga, vaphasi nya mhamba va di gu womba mipundru na va khedzanide ni va na Levhi, vatshavbo va na Israyeli na va emide.

Ezira 3:11

Va di embelela ga Pfhumu Nungungulu ndzimo yeyi, khavo: “Khwadi wuhindzi waye ni Israyeli khwa gu kala gupindruga!” Vatshavbo vathu, va di khusedza malito va gira ligwaha nya likhongolo va kulungela ni gu dhumisa Pfhumu Nungungulu, khu gu tsitswa nya siseketelo nya nyumba yaye.

Dzindzimo 100:5

Kholu Pfhumu Nungungulu khwadi, lihaladzo laye li ngu simama kala gupindruga, gutumbega gwaye gu ngu simama ga mimela ni mimelana.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 105:1

Bongani Pfhumu Nungungulu, lombani khu lina laye, tivisani mithumo yaye mayigoni gwatshavbo.

Dzindzimo 106:1

Dhumisani Pfhumu Nungungulu! Bongani Pfhumu Nungungulu, kholu khwadi, kholu lihaladzo laye khya gupindruga.

Dzindzimo 107:1

Rungudzani Pfhumu Nungungulu kholu khwadi, kholu wuhindzi waye wu ngu simama kala gupindruga.

Dzindzimo 118:1

Aleluya! Bongani Pfhumu Nungungulu kholu khwadi, kholu wuhindzi waye wu ngu simama kala gupindruga.

Dzindzimo 119:68

Uwe U wadi u ngu gira nya sadi, nyi hevbudze gupima sileletelo sago.

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Luka 1:50

Wuhindzi waye wu ngu thaphela mimela ni mimela ya vale va mu ningago githawo.

Judha 1:21

Dzi vegeni lihaladzoni la Nungungulu, na mu gu lirela gukhenu, Pfhumu yathu Jesu Kristo, khu wuhindzi waye a mi ninge guvbanya nya gupindruge.