Dzindzimo 134:3 - Bhibhiliya Nya Guage

³ Pfhumu Nungungulu a na mi kategise nari khu Siyoni, Uye a nga gira ndzadzi ni mafu.

Dzindzimo 134:3 Iomraidhean Croise

Dzindzimo 110:2

Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

Dzindzimo 115:15

Pfhumu Nungungulu giridego ndzadzi ni mafu, a na mi kategise, enu mwatshavbo.

Dzindzimo 124:8

Giphaso gyathu ha gu gi mana linani la Pfhumu Nungungulu, a nga gira ndzadzi ni mafu.

Dzindzimo 128:5

Pfhumu Nungungulu a na gu kategise gukhugela gigomoni gya Siyoni, u na wone gukatega ga Jerusalema matshigu yatshavbo nya guvbanye gwago,

Dzindzimo 135:21

Enu mu vbanyago Siyoni dhumisani Pfhumu Nungungulu a khalago Jerusalema! Aleluya! A na dhumiswe Pfhumu Nungungulu!

Dzindzimo 136:5

khuye a giridego ndzadzini khu mapimo, kholu lihaladzo laye li ngu simama kala gupindruga;

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Dzindzimo 20:2

Khu nyumbani nya guage a na gu rumele giphaso, a gu phara gwadi gukhugela Siyoni!

Dzindzimo 20:3

A na alakanye miningelo yago yatshavbo, a tsakiswa khu phaso wago nya guvbiswe.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

Rute 2:4

Khu guralo, Bhowazi a di vboha na guta khu Bhetlehema, a ta embela vavbweri, khuye: “Pfhumu Nungungulu a na khale ni enu!” A navo va mu phindrula, khavo: “Pfhumu Nungungulu a na gu kategise!”