Dzindzimo 132:9 - Bhibhiliya Nya Guage

⁹ Gikhati gyatshavbo vaphasi vago nya mhamba va na gire esi si lulamidego, avo va khodwago gwago va na kulungele khu gutsaka.

Dzindzimo 132:9 Iomraidhean Croise

2 Dzikoronika 6:41

Khu guralo, uwe Pfhumu Nungungulu, khuga U ta khala wulanga wago nya guhefemule, uwe gumogo ni Ngasa nya tshivba yago; Pfhumu Nungungulu, vaphasi vago va na fenengedzwe khu guvbanyisa gwago, ni sihathwa sago si na nengele khu wuwadi.

Joba 29:14

Nyi di ambala gululama, gu khala gifenengelo gyangu.

Dzindzimo 104:1

Uwe hefemulo wangu, bonga Pfhumu Nungungulu! Pfhumu Nungungulu wangu, u khongolo ngudzu! U ambade gungangamela ni wugulu!

Dzindzimo 132:16

Nyi na ninga vaphasi vago nya mhamba tshivba nya gu lamule vambe, va na kulungela khu gutsaka vale va khodwago gwaye.

Dzindzimo 149:5

Avo va khodwago va na tsake khu wudhumo wa Nungungulu, va na embelele khu gunengela na va lade vbamalawutunu gwawe.

Dzindzimo 47:1

Enu mahundzu yatshavbo, phaphatani mandza; embani ga Nungungulu khu mikulungwane nya gutsake.

Dzindzimo 68:3

Aholu va nya gululama va ngu nengela ngudzu, va ngu hana mbeli ga Nungungulu khu gutsaka.

Dzindzimo 70:4

Avo va golago guvbanyiswa gwago ni gu gu vbweta; va na tale khu gunengela gikhati gyatshavbo va na ganele, khavo: “A na khusedzwe Nungungulu!”

Dzindzimo 93:1

Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Sofoniya 3:14

Embelela khu gutsaka uwe nyamahegyane wa Siyoni, kulungelani khu gutsaka enu vathu va Israyeli, nengela u womba kulungwane khu monyo wago watshavbo, uwe nyamahegyane wa Jerusalema!

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Varoma 13:14

Aholu ambalani Pfhumu Jesu Kristo, mu nga dzi digi mu gu sengwa khu gudogolela nya tumbunugo nya wuthu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

Gutuledwa 19:8

ambagisedwe dzingandzu nya gumbure dzi handzidwego dzi agiswa gwadi.” Dzingandzu nya wumburi khu mithumo ya ndruda ya va nya gukatega.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”