Dzindzimo 130:1 - Bhibhiliya Nya Guage

¹ Khu guetani nya nondrwa nya sigaradzo, nyi ngu lila gwago Pfhumu Nungungulu.

Dzindzimo 130:1 Iomraidhean Croise

Dzindzimo 121:1

Nya gu khusedza maho nyi wona sigomo, nya gu dzi wudzisa, kheni: Gi nata khu hayi giphaso?

Dzindzimo 122:1

Nyi nengede gikhati nyi nga embedwa, gupwani: “Hongoleni Nyumbani ga Pfhumu Nungungulu!”

Dzindzimo 123:1

Nyi ngu khusa maho yangu nyi khedza iyo gwago, Uwe u khalago ndzadzini.

Dzindzimo 124:1

Nari pwani Pfhumu Nungungulu kha nga ema ni ethu, Israyeli a na ganele!

Dzindzimo 125:1

Avo va tumbago Pfhumu Nungungulu va ngu fanana ni gigomo gya Siyoni, gi si tsekatsekigo, gi tiyidego kala gupindruga.

Dzindzimo 126:1

Avbo Pfhumu Nungungulu a nga wuyisa sanana sa Siyoni, gu di gira gukhwatshi ha gu lora.

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.

Dzindzimo 128:1

Kategide uye a thavago Pfhumu Nungungulu, a gimbilago dzindzilani gwaye!

Dzindzimo 129:1

Va nyi tshaniside ngudzu gukhugela wanana wangu, a na ganela olu Israyeli;

Dzindzimo 18:16

Khu vbatshani a guromo iyo, a di rumela guta nyi dzega, a nyi dusa khu matini nya mwedzi nya tshivba.

Dzindzimo 40:2

A nyi duside phalani nya lufu, seleni mule nya maraga; a emisa migondro yangu vbatshani nya giwindri, a tiyisa mawundru yangu.

Dzindzimo 42:7

Gueta gwa gu rana gumbe gueta gupwala guzindzani nya mabara; mavimbi yatshavbo ni sivimbyana si di vbindra khu vbatshani gwangu.

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.