Dzindzimo 128:2 - Bhibhiliya Nya Guage

² Kholu u na hodza mihandro nya thumo wago, u na katega, satshavbo si na gu dugela gwadi.

Dzindzimo 128:2 Iomraidhean Croise

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 109:11

Va na dzege silo sawe satshavbo va livba khiso mangava yawe, valombo va na phange mihandro nya thumo wawe.

Muhevbudzi 8:12

Gighohi gya gu ghoha lizana dzinyondro, ambari gya gu vbanya matshigu nya gutale mafuni, eni nyi ngu dziti khu lisine gukheni avo va thavago Nungungulu va na dugelela, kholu va ngu mu thumela.

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Jeremiya 22:15

Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

Vaefeso 6:3

“U na mana gukatega ni gu engedzedwa matshigu yago nya guvbanye mafuni.”

Dhewuteronome 28:11

Pfhumu Nungungulu a na andrisa mihandro nya melego gwago, sifuyo sago si na velegelana, ni mahangeni gwago gu na fuma mihandro nya yingi, ga litigo eli Pfhumu Nungungulu a sambanyidego ga vababe vago gu gu ninga.

Dhewuteronome 28:39

U na lima u yala miuvha nya mingi, aholu uwe gima khu na sela wadwa wakone, ambari gu havela dziuvha dzakone, kholu dzi na bani dzi hodzidwe khu siwungu.

Dhewuteronome 28:4

Wu na kategiswa melego wago, ni mihandro ya thembweni gwago, ni mihandro nya sifuyo sago, a gu marole nya dzimombe dzago ni dzinvuta dzago.

Dhewuteronome 28:51

Vathu vovo va nata hodza mihandro nya sifuyo sago ni mihandro ya mahangeni gwago kala u gumbembiswa; kha va na gu tshiyela ambari ni tirigu, vbinyu, mafura, sifuyo sago nya dzimombe ambari ni sanana nya dzinvuta dzago kala a gumbembiswa.

Dhewuteronome 28:8

Pfhumu Nungungulu a na rumela makategwa sithungani gwago ni ga yatshavbo mithumo ya mandza yago; a na gu kategisa ga litigo u ningwago khu Pfhumu Nungungulu wago.