Dzindzimo 126:2 - Bhibhiliya Nya Guage

² Maganani gwathu gu di tala khu mahego nya gunengele, malimi yathu ma di kulungela; ni mambe mayigo ma di ganela, khayo: “Pfhumu Nungungulu a va girede silo sikhongolo.”

Dzindzimo 126:2 Iomraidhean Croise

Joba 8:21

Aholu avbo gwago Uye a na tadza monyo wago khu gutsaka, ni kanani gwago gu na womba mikulungwane.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Dzindzimo 71:19

Gululama gwago, Nungungulu, gu ngu khusega kala ndzadzini. Uwe Nungungulu U giride silo nya sikhongolo ngudzu, khu mani nya gufanane ni uwe?

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Nehemiya 6:16

Gikhati va pwidego esi, valala vathu vatshavbo, gumogo ni va nya mayigo vatshavbo nya vaakelane vathu vatshavbo, va di samala va bwelo khavbo va vbela tshivba, kholu, va di gu wona gukhavo khandri tshivba yathu basi, aholu khu Nungungulu wathu, a hi phasedzedego thumoni momu.

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Dzindzimo 51:14

Nungungulu, nyi vbulugise ga novba wu vbaladzidwego Nungungulu, muvbanyisi wangu, lidimi langu li na khusedza gululama gwago.

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Ezira 3:11

Va di embelela ga Pfhumu Nungungulu ndzimo yeyi, khavo: “Khwadi wuhindzi waye ni Israyeli khwa gu kala gupindruga!” Vatshavbo vathu, va di khusedza malito va gira ligwaha nya likhongolo va kulungela ni gu dhumisa Pfhumu Nungungulu, khu gu tsitswa nya siseketelo nya nyumba yaye.

Mitengo 23:23

Olu gu mwalo wuloyi nya guwugele Jakobe, ambari wunyanga nya gufumbe Israyeli. Ga gikhati gyakone gu na ganedwa khu Jakobe ni Israyeli, pwani: Khu gevbini egi Pfhumu Nungungulu a ngamba gira gwago!”

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Ezekiyeli 36:36

Khu guralo, va nya mayigo nya vaakelane vanu va na tshalago va na dziti gukhavo eni Pfhumu Nungungulu, nyi vbahedzide madhoropa ma khungumudwego, nyi yaledza iso si nga bani si digidwe. Eni, Pfhumu Nungungulu nyi ganede, gambe nyi na si gira.