Dzindzimo 122:5 - Bhibhiliya Nya Guage

⁵ Si vegidwe iyo sikhalo nya gulamule mahungu, sikhalo nya wufumu wa nyumbani ga Dhavhidhe.

Dzindzimo 122:5 Iomraidhean Croise

2 Samuweli 8:18

Bhenaya, mwamana wa Joyadha, a diri muthangeli nya Vakereti ni Vapeleti; gasi sanana sa Dhavhidhe, si diri dzindruna dza mufumeli.

1 Dzipfhumu 7:7

A di gira gambe nyumba nya phatha nya wufumu, avbo a nga bani na gulamulela avbo mahungu, wulanga wowo, wu di aledwe khu mapulango nya sedhari gukhugela vbavbatshi kala vbatshani.

2 Dzikoronika 11:22

Robhowamo a di emisa kha nga hungo nya sanana saye satshavbo Abhiya, mwamana wa Mahaka gu a khala nari uye khongolo vbakari ga vandriyaye; kholu khuye a nga bani a mu vbweta gu mu gira mufumeli.

2 Dzikoronika 19:8

Khu hwane gambe nya gu bani a wide Jerusalema, Josafati a di emisa va na Levhi nya gukari, vaphasi nya mhamba ni vathangeli nya dzinyumba dza na Israyeli, gasi va khala valamuli va Pfhumu Nungungulu ni gu pila mahungu nya dziketso ga vavbanyi va Jerusalema.

Dhewuteronome 17:18

A gu khala vbagikhalotunu gwaye nya wufumu, fanede gu dzi lovela nayo yoyu libhukuni, nya idzosaye ni owu wu guromo mbeli ga Valevhi, vaphasi nya mhamba.

Dhewuteronome 17:8

Ma gu manega mahungu nya gugaradze ngudzu gu ma lamula; mahungu nya gusonge mwendro nya gubangelane, ni mahungu nya gubayisane mwendro gu wusa pfilupfilu, ni mambe mahungu nya gugaradze dhoropani gwago, u na khuga u gwela wulangani Pfhumu Nungungulu wago, a na wu hathago.