Dzindzimo 12:5 - Bhibhiliya Nya Guage

⁵ Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 12:5 Iomraidhean Croise

Joba 5:15

Uye a ngu vbulugisa gisiwana gu paywa khu litshari li dugago khu maganani gwawe, ni gu gi vhikela mandzani ga va nya tshivba.

Joba 5:21

A na gu siha ga tshanisa nya lidimi, ambari gwa gu vboha gusasedwa, uwe u nga khali hwanga.

Dzindzimo 10:12

Khuga u ema Pfhumu Nungungulu! Yeyedza tshivba yago! U nga divali sisiwana.

Dzindzimo 10:18

u emela khulungu ni uye a sanisekago, gasi muthu wa tigoni, a si giri gambe wughevenga.

Dzindzimo 10:5

Gikhati gyatshavbo sigiro saye sa gu duga gwadi, kha theli kota khu gulamula gwago; a gu kanyisa valala vaye vatshavbo.

Dzindzimo 31:19

Pfhumu Nungungulu, wuhindzi wago wukhongolo ngudzu, wa gu wu vegela vale va gu ni githawo ga uwe, u wu ningela ga vale va thavelago avbo gwago, uwo u wu thumisago mbeli nya vathu.

Dzindzimo 34:6

Gisiwana gi di lila, Pfhumu Nungungulu a gi yingisa, a gi vbulugisa sigaradzoni saye satshavbo.

Dzindzimo 73:8

Va gu gola gu poyila ni gu ganelela sihonohono; va gu dzi gugumugisa va gira gikungo nya gutshanise.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Mavingu 14:31

Uye a tshanisago gisiwana, a gu vala Muvangi waye, aholu uye a sayisago gwadi gisiwana a gu zundza Nungungulu.

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Isaya 19:20

Esi si na khala giyeyedzo ni wufakazi wa Pfhumu Nungungulu nya Tshivba Yatshavbo tigoni ga Egipito, kholu va gu lila ga Pfhumu Nungungulu khu kotani nya avo va va tshanisago, Uye a na va rumela muvbanyisi ni muvhikeli nya gute va tshudzisa.

Isaya 33:10

Pfhumu Nungungulu a ngu ganela kharati, khuye: “Olu, Eni kamwe nyi na khuga nyi ema; olu, va na nyi khusedza.

Ezekiyeli 18:18

Aholu babe waye, khuye a nafago khu kotani nya guvivba a gu giridego, kholu tshaniside ni guba dzithomba dza vandriyaye, ni gu gira ugo nyamba yela vbakari ga vathu vaye.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.