Dzindzimo 119:108 - Bhibhiliya Nya Guage

¹⁰⁸ Hakha Pfhumu Nungungulu nombelo wangu nya gubonge uwe, nyi hevbudze milayo yago.

Dzindzimo 119:108 Iomraidhean Croise

2 Dzikoronika 31:14

Kore wa na Levhi, mwamana wa Imina, a diri uye muwoneleli nya lidimba la Khugadambo, a di rwegidwe thumo nya gusayise miningelo yi ningedwago ga Nungungulu khu lihaladzo ni matsenya ya muthu ni muthu, ni gu kabanisela miningelo yi ningedwago ga Pfhumu Nungungulu, ni silo nya guage ngudzu.

Dzindzimo 119:12

U na rungudzwe uwe Pfhumu Nungungulu! Nyi hevbudze guti milayo yago!

Dzindzimo 119:130

Tshamuselo nya mahungu yago wu ngu tula maho, wu ngu ninga gupima va nya gusolega.

Dzindzimo 119:169

Pfhumu Nungungulu, gulila gwangu gu na vbohe iyo gwago, nyivbe gupimisa kha nga gutumbisa gwago.

Dzindzimo 119:26

Nyi gu dawulede guvbanya gwangu gwatshavbo, Uwe U nyi hakhide, nyi hevbudze guti milayo yago.

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Mitengo 29:39

Silo sesi khiso mu na si ningelago ga Pfhumu Nungungulu, ga matshigu nya mibuzo mu ma vegisedego, vbavbandze nya sisambanyo sanu ni miningelo yanu nya guningele khu gugola gwanu, nya guvbiswe, nya guhodza, nya wadwa niyo nya gurule.

Vahebheru 13:15

Khu guralo, hongoleni hi rungudze Nungungulu khu Jesu. Rungudzo yoyo i mhamba hi ningelago, yi ningedwago khu magana ma rungudzago lina laye.