Dzindzimo 119:1 - Bhibhiliya Nya Guage

¹ Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 119:1 Iomraidhean Croise

2 Samuweli 22:22

kholu nyi landriside dzindzila dza Pfhumu Nungungulu, gima kha nya wugela Nungungulu wangu.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Dzindzimo 101:2

Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

Dzindzimo 101:6

Maho yangu nyi na ma vega ga vathu va tumbegidego tigoni, gasi nyi kodze gu khala gumogo navo; uye a gimbilago khu ndzila nya gululame, a na nyi thumela.

Dzindzimo 112:1

Aleluya! Dhumisani Pfhumu Nungungulu! Kategide muthu a thavago Pfhumu Nungungulu! A golago gu landrisa milayo yaye.

Dzindzimo 128:1

Kategide uye a thavago Pfhumu Nungungulu, a gimbilago dzindzilani gwaye!

Mavingu 11:20

Pfhumu Nungungulu a gu nyenya va nya myonyo yi vivbidego, aholu a ngu nengedziswa khavo va gimbilago khu ndzila nya gululame.

Mavingu 13:6

Gululama gu ngu hetedza muthu a gu ni mavbanyelo nya yadi, aholu gighohi gi ngu mbemba khu mithumo yaye.

Mavingu 29:18

Avbo gu gu mwalo gutuledwa ga Nungungulu, gu mwalo Nayo, aholu kategide uye a sayisago Nayo.

Ezekiyeli 11:20

Satshavbo soso gasi va kodza gu landrisa silayelo sangu ni gu vegisa milayo yangu, va wuya va yi thuma; avo va na khala vathu vangu, Eni nyi na khala Nungungulu wawe.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Jakobe 1:25

Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.