Dzindzimo 118:7 - Bhibhiliya Nya Guage

⁷ Pfhumu Nungungulu a na ni eni ni avo va nyi phasago; nyi na va wona na va gu padwa avo va nyi vengago.

Dzindzimo 118:7 Iomraidhean Croise

1 Dzikoronika 12:18

Dhavhidhe, a di va khinga aya va embela, khuye: “Enu, mwa gu bani muri mwa guta avbo gwangu khu gurula ni guta nyi phasedzelani, monyo wangu wu na hungana nanu; aholu, a gu bani nari mwa gu vbweta gu nyi ningela ga valala vangu, Nungungulu wa vababe vathu, a na si wone ni gu lamula.”

Dzindzimo 112:8

Monyo waye, wu tiyide, kha thavi gilo, a ngu tumba gukhuye valala vaye va na padwa.

Dzindzimo 54:4

Nungungulu khuye muphasedzeli wangu, Pfhumu Nungungulu khuye a sayisago womi wangu.

Dzindzimo 54:6

Khu gugola gwangu nyi na gu girela miphaso nya dzimhamba; nyi na rungudza lina lago, uwe Pfhumu Nungungulu, kholu u lulamide.

Dzindzimo 54:7

Kholu u nyi vbulugiside sigaradzoni gwatshavbo; ni maho yangu ma wonide gumbemba gwa valala vangu.

Dzindzimo 55:18

Vbulugisa hefemulo wangu, khu gurula, ga avo va nyi lundrago; kholu avo vangi.

Dzindzimo 59:10

Khu wuhindzi waye Nungungulu a nata gwangu ata nyi wonisa gupadwa ga valala vangu.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

Dzindzimo 92:11

Nyi na wona khu maho yangu gu thega ga valala vangu, ni dzindzeve dzangu dzi napwa va nya guvivba, vale va nyi wugelago.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.