Dzindzimo 118:27 - Bhibhiliya Nya Guage

²⁷ Pfhumu khuye Nungungulu a hi ningago wenengedzo; mburiselani buzo khu matamu, kala dzikhonani nya giluvelo.

Dzindzimo 118:27 Iomraidhean Croise

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

1 Dzikoronika 29:21

Khu litshigu li landrelago, va di phasela ga Pfhumu Nungungulu miphaselo nya gubonge ni miphaselo nya guvbiswe, khu likhumi mazana (1.000) dzimombe, likhumi mazana (1.000) dzinvuta, likhumi mazana (1.000) dzihamba ni miningelo nya wadwa, ni yimbe miphaselo nya yingi khu vatshavbo va na Israyeli.

Dzindzimo 18:28

Pfhumu Nungungulu, khuwe kandriya yangu, Nungungulu wangu, wenengedza gidema gyangu.

Dzindzimo 37:6

A na wonegisa gululama gwago kha nga wenengedzo ni dzifanelo dzago kha nga lidambo li wenengedzago vbamihanitunu.

Ekisodha 27:2

Dzikhonani dza dzina u na vega dzikeho dzina dzi hungana dzi khala gilo gimwegyo basi ni giluvelo, u dzi londra khu sugu.

Ekisodha 38:2

A di gira dzikeho dzina dzi dugago khu mudzikhonani dza dzina nya giluvelo dzi gira gilo gimwegyo basi ni giluvelo, a dzi londrela khu sugu.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Vahebheru 13:15

Khu guralo, hongoleni hi rungudze Nungungulu khu Jesu. Rungudzo yoyo i mhamba hi ningelago, yi ningedwago khu magana ma rungudzago lina laye.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.