Dzindzimo 114:2 - Bhibhiliya Nya Guage

² Judha gu di khala Wulanga nya guage, ni Israyeli gu di khala wulanga nya wufumu waye.

Dzindzimo 114:2 Iomraidhean Croise

Ekisodha 15:17

Uwe u na va bedza tigoni, u ya va vega mugigomoni gi gu lumbago; wulanga u va dongisedego gu ya va vbanyisa avbo, Uwe Pfhumu Nungungulu, wulanga nya miphaso wu giridwego khu mandza yago, Uwe Pfhumu Nungungulu.

Ekisodha 25:8

Mu na nyi vbahela nyumba nya miphaso nyifela gu khala khumo vbakari gwawe;

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Levhi 11:45

Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide.

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

Dhewuteronome 27:12

Aya khu mahundzu ma na gu bani ma romo gigomoni ga Garizimi gasi gu kategisa vathu, hwane nya gu bani mu tshatugide tsongo wa Joridhani: Simiyoni, Levhi, Judha, Isakari, Josefe ni Bhejami.

Dhewuteronome 27:9

Mosi a di ganela ga va na Israyeli nari gumogo ni vaphasi nya mhamba, va na Levhi, khuye: “Enu va na Israyeli, degulani mu yingisa! Muhuno mu khade vathu va Pfhumu Nungungulu wathu,

Dhewuteronome 7:6

Kholu enu mu vathu va agisedwego Pfhumu Nungungulu wago. Pfhumu Nungungulu wago, a mi hathide gasi mu khala vathu vaye, vbakari nya mafumbu yatshavbo ma guromo mafuni.

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.