Dzindzimo 113:7 - Bhibhiliya Nya Guage

⁷ A ngu phasa gisiwana gu duga wumbwani, a khusa vbatatuni nya nguma, oyu a hamugago,

Dzindzimo 113:7 Iomraidhean Croise

1 Dzipfhumu 16:2

“Nyi gu duside khumo nya kudzudzwane nyi gu emisa gu khala muthangeli wa vathu vangu va na Israyeli, aholu, uwe u di gimbila khu ndzila ya Jerobhowamo, u ghohisa vathu vangu, va na Israyeli, gu kala nyi gorogiswa khu sighoho sawe.

Joba 2:8

Khavbo avbo, Joba a diya khala vbatalatunu a vbweta gindzengele a dzi tshuvela khigyo.

Joba 5:11

a ngu khusedza avo va dzi nogisago, ni gu wuyisa avo va lilago, wulangani nya gukhadzisege.

Dzindzimo 107:41

A na dusa sisiwana gusanisekani gwawe, a dandrisa dzingamo dzawe khwatshi mitshambi.

Dzindzimo 22:15

Khanani gwangu gu bangide kha nga gindzengele nya libumba; lidimi langu li dandramede sihayani, uwe wa gu nyi rinya avbo nya kudzudzwane nya lufu.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Ezekiyeli 17:24

Misimbo yatshavbo ya khabini yi na nyiti gukhiyo kheni Pfhumu Nungungulu, nyi na thesa simbo nya gulaphe ngudzu, nyi dandrisa ngudzu simbo nya gurole. Nyi ngu bangisa simbo nya gunyuge, nyi thela senge ga simbo nya gubange. Eni Pfhumu Nungungulu nyi ganede, gambe nyi na si thuma.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Samuweli 24:14

Aholu uwe mufumeli wa Israyeli, gasi khu mani u mu landrelelago? Yimbwa nya gufe, gani? Mwendro i tshowane, gani?