Dzindzimo 113:4 - Bhibhiliya Nya Guage

⁴ Pfhumu Nungungulu khugegide vbatshani nya mayigo yatshavbo, ni wudhumo waye womo vbatshani guvbindra ndzadzini.

Dzindzimo 113:4 Iomraidhean Croise

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 8:1

Uwe Pfhumu Nungungulu wathu, lina lago li khusegide ngudzu mafuni gwatshavbo. Wufumu wago wa gu khusega vbatshani ngudzu guvbindra ndzadzini.

Dzindzimo 97:9

Kholu uwe Pfhumu Nungungulu u Khusegide ngudzu vbakari nya litigo latshavbo, Uwe u Khusegide vatshani ga vanungungulu vatshavbo.

Dzindzimo 99:2

Pfhumu Nungungulu khongolo Siyoni, khusegide vbatshani nya mayigo yatshavbo.

Isaya 40:15

Wonani nya gukhenu mayigo ga uye, ma gu fanana ni lidodoto nya mati li dotago khalini, ni gu fanana ni kudzudzwane wu thegedego mugikaloni, ni sidwa a gu si wona na si gu fanana ni kudzudzwane wu vbuvbago.

Isaya 40:17

Mayigo yatshavbo kha ma phasi gilo mbeli gwaye; khandri ya gilo mbeli gwaye, a gu ma wona kha nga gilo nya liphanga!

Isaya 40:22

Khuye a khadego khu vbatshani nya litigo, vavbanyi vakone a gu va wona kha nga mbasa, uye a gu ladza damboni kha nga mwendra, a gu ghwimba kha nga tshatsha nya gukhale umo;

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?