Dzindzimo 113:3 - Bhibhiliya Nya Guage

³ A na dhumiswe Pfhumu Nungungulu gukhugela Khugadambo kala Muhwadambo.

Dzindzimo 113:3 Iomraidhean Croise

Dzindzimo 18:3

Eni nyi di rana Pfhumu Nungungulu, a gu ni fanelo nya gurungudzwe, a na nyi vbanyisa ga valala vangu.

Dzindzimo 48:10

Kha nga lina lago, Nungungulu, kharato nuwo wuzundzo wago wu ngu vboha mahegiso nya litigo; libogo lago la nyamudye li tade khu gululama.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”