Dzindzimo 110:7 - Bhibhiliya Nya Guage

⁷ Ndzilani mufumeli a na sela mati nya gibuga, ayo ma na mu ninga tshivba nya gupale.

Dzindzimo 110:7 Iomraidhean Croise

Joba 21:20

Gu di vbwetega va yi mana vabune tsayiso yawe. Va sela gambe gikombe nya khorodza ya Nungungulu Nya Tshivba Yatshavbo.

Dzindzimo 102:9

Wulangani nya gibaba, nya gu hodza nguma ni gusela gwangu gwa gu patana ni marongo yangu,

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Jeremiya 23:15

Khu guralo, Pfhumu Nungungulu nya Tshivba Yatshavbo a ngu ganela kharati mayelano khu vaprofeti, khuye: “Nyi na va ninga va hodza mihandro nya guvave, bwelo khavbo va sela wuhungu; kholu khu ga vaprofeti va Jerusalema gu yadwe sighoho tigoni gwatshavbo.”

Jeremiya 52:31

Khu mwaga nya magumararu na livbandre na mivili nya gu vbagedwe ga Jowakimi, mufumeli wa Judha, khu litshigu nya magumavili na mavili nya ngima nya likhumi na wuvili, Evhili-Merodhaki, mufumeli wa Bhabhiloni, khu mwaga nya guhegule nya gufume gwaye, a di tsetselela Jowakimi, mufumeli wa Judha, a rumela gu a duswe khu pasoni.

Matewu 20:22

Jesu a di mu phindrula, khuye: “Nigyo mu lombago kha mu giti. Ina enu mu ngu dzi kodza gu sela gikombe nya gusaniseke nyi vbwetago gu sela, gani?” Va di khavo: “Ina, hi ngu dzi kodza.”

Matewu 26:42

A di hongola nyaluphye aya lombelela, khuye: “Baba, gwa gu kodzega, nyi vbulugise ga gikombe gegi. Aholu, gu na girege guhaladza gwago!”

Luka 24:26

Gasi Kristo a di si emeli gu saniseka, afela gu bela wudhumoni gwaye, gani?”

Johane 18:11

Aholu, Jesu a di embela Pedro, khuye: “Vega litshari wulangani gwaye. Wa guvbweta khuwe nyi si seli gikombe nya gutshaniseke nyi nga ningwago khu Babe wangu, gani?”

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.

Valamuli 15:19

Khu guralo, Pfhumu Nungungulu a di pandra giwindri gi nga bani giri dhoropani ga Lehi, gi goga mati, a sela. Khavbo avbo, liphuvbo laye li di wuyedzelana a mana tshivba. Khu guralo, wulanga wule wu di ranwa khu lina nya gupwani: “Eni-Hakore, gutshamusago gupwani Nambo Wa uye a wombago huwa” kala na muhuno.