Dzindzimo 110:4 - Bhibhiliya Nya Guage

⁴ Pfhumu Nungungulu a sambanyide, kha na bwelela hwane kholu: “Uwe u muphasi nya mhamba kala gupindruga khu nayo nya wuphasi wa Melikisedheki.”

Dzindzimo 110:4 Iomraidhean Croise

Genesi 14:18

A nuye Melikisedheki, mufumeli wa Salema, a nga bani nari muphasi nya mhamba ya Nungungulu nya gukhugege ngudzu, a dita nuye na pharide gibaba ni vbinyu,

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Zakariya 6:13

Uye kamwe khuye a na vbahedzago Nyumba ya Pfhumu Nungungulu, a na ambagiswa wudhumo, a gu fumela vathu na khade khu vbagikhalotunu gwaye nya wufumu, a na bhanya gumogo wuphasi nya mhamba ni wufumeli, gambe gu na manega gupwanana vbakari gwawe va vavili.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Vahebheru 5:6

Wumbe wulanga nya Milowo nya Guage a ngu ganela gambe, khuye: “Uwe u muphasi nya mhamba kala gupindruga, khu nayo nya wuphasi wa Melikisedheki.”

Vahebheru 6:20

Khumo a hi thangedego, a gu bela umo Jesu, afela gu phasa ethu, a gu khala muphasi nya khongolo nya mhamba, kala gupindruga khu nayo nya wuphasi wa Melikisedheki.

Vahebheru 7:11

Nayo va hakhidego va na Israyeli wa gukhugela omu nya wuphasi wa na Levhi, wu pharidwego khu sanana sa Aroni. Aholu, nari gupwani thumo nya wuphasi wa na Levhi wu di vbelede, kha ga nga vbwetega gambe gu manega mumbe muphasi nya nayo wa Melikisedheki a si gu wa nayo wa Aroni.

Vahebheru 7:17

Kholu, Milowo nya Guage yi ngu mu fakazela, khiyo: “Uwe u na khala muphasi nya mhamba kala gupindruga, khu nayo nya wuphasi wa Melikisedheki.”

Vahebheru 7:21

gasi oyu a di khala muphasi nya mhamba khu gisambanyo, gikhati Nungungulu a nga khuye: “Pfhumu yi sambanyide, kha yi bweleli hwane, khiyo: Uwe u muphasi kala gupindruga.”

Vahebheru 7:28

Nayo wu di hatha vathu nyamba vbelela gu khala vaphasi nya vakhongolo nya mhamba. Aholu, gisambanyo gya Nungungulu gi dzudego khu hwane nya Nayo wa Mosi, gya gu hatha gu khala muphasi nya khongolo nya mhamba, Mwamana a giridwego muthu nya guvbelele kala gupindruga.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.