Dzindzimo 110:3 - Bhibhiliya Nya Guage

³ Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 110:3 Iomraidhean Croise

1 Dzikoronika 16:29

Ningelani ga Pfhumu wudhumo wu fanelago lina laye; resani miningelo yanu mu bele nayo makupakupani gwaye; khozelani Pfhumu Nungungulu, wulangani gwaye nya wumburi wu agidego.

Nehemiya 11:2

Vatshavbo vathu va di kategisa vale va nga dzi ningelago khu gugola gwawe guya vbanya dhoropani ga Jerusalema.

Dzindzimo 29:2

Rungudzani wudhumo nya lina la Pfhumu Nungungulu, khozelani Pfhumu Nungungulu makhuvini gwaye nya guage.

Dzindzimo 96:9

Khozelani Pfhumu Nungungulu na mu ambade guaga, ndrendremelani mbeli gwaye enu vathu va tigoni.

Ezekiyeli 43:12

Nayo nya Nyumba ya Nungungulu, khowu: Dzitshokhani gwatshavbo nya gigomo, dzibambe gwaye gwatshavbo, gu na bani gu agide ngudzu. Oyu khu nayo nya Nyumba ya Nungungulu.

Mikeya 5:6

Avo va na mbembisa litigo la Asiriya khu matshari ni litigo la Ninirodhi, kala dzinyangwani gwalo. Khu kharati, a na hi vbulugisa mandzani ga Asiriya, a guta dhumela litigo lathu khu gu ndraga mivbingano yathu.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 19:20

Khu magirelo yoyo Mahungu ya Nungungulu ma di andra ma gu tiya khu tshivba.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 21:20

Na va mu pwide, vatshavbo va di rungudza Nungungulu, va gu embela Pawulo, khavo: “Wandruye, u na wona nya gukhuwe mazana mangi nya Vajudha va hakhide gukhodwa ga Kristo, aholu va gu simama gu landrisa Nayo wa Mosi.

Mithumo 4:4

Ambari ulo, vangi nya vale va nga pwago magana yaye, va di khodwa, va engedzela tengo nya vakhodwa, wu nga vboha gipimo nya livbandre magumi mazana (5000) vama.

2 Vakorinto 13:4

Ambari saye a nga khokhothedwa khu kota nya gu dzi vbevbugise Gwaye, a ngu vbanya khu tshivba ya Nungungulu, ethu ga Uye hi vbevbugide. Gasi ga enu nyi tade khu tshivba ya Nungungulu, khu Kristo.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

1 Vatesalonika 4:7

Nungungulu kha hi ranela guvivba, a di hi ranela gu vbanya khu ndruda.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.

Valamuli 5:2

“Kha nga olu vathangeli va thangedego Israyeli, vathu navo va dzi ningede wurumba wawe khavbo gu vbeledego. Bongani Pfhumu Nungungulu!

Valamuli 5:9

Monyo wangu wa gu tsakela vathangeli nya dzinyimbi va Israyeli, ni ga vathu va nga dzi ningelago khu gugola gwawe. Rungudzani Pfhumu Nungungulu.