Dzindzimo 11:5 - Bhibhiliya Nya Guage

⁵ Pfhumu Nungungulu a ngu wona oyu nya gululame ni oyu nya guvivbe, a venga oyu a golago wughevenga.

Dzindzimo 11:5 Iomraidhean Croise

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 139:1

Pfhumu Nungungulu, uwe u nyi holelede gwadi, olu u ngu nyiti.

Dzindzimo 17:3

Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Dzindzimo 21:8

Mandza yago ma na manela valala vago vatshavbo, Nyamudye wago a na manela avo va gu nyenyago.

Dzindzimo 26:2

Nyi khedzise, Pfhumu Nungungulu, nyi linge, wona gugola nya monyo wangu ni mipimiso yangu;

Dzindzimo 5:6

U ngu fuvisa va nya malipha, Pfhumu Nungungulu a ngu nyenya gighevenga ni muthu nya wuvafa.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Jeremiya 12:8

Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Jeremiya 20:12

Gasi olu, uwe Pfhumu Nungungulu nya Tshivba Yatshavbo, uwe u khedzago monyo nya muthu a lulamidego, ni guti mapimo nya monyo waye, nyi phodzele ga valala vangu na nyi gu va wona khu maho yangu, kholu nyi gu tiviside mahungu yangu.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.