Dzindzimo 11:4 - Bhibhiliya Nya Guage

⁴ Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 11:4 Iomraidhean Croise

1 Dzikoronika 17:5

kholu gukhugela litshigu nyi nga dusa Israyeli khu Egipito kala na muhuno, gima kha nya khala nyumbani, aholu nyi di legalega khu tshatsha ni tshatsha, umo nya ndranga ni ndranga.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 103:19

Pfhumu Nungungulu tiyiside gikhalo nya wufumu Waye Ndzadzini, wufumu waye womo vbatshani nya silo satshavbo.

Dzindzimo 113:5

Khu mani a fananago ni Pfhumu Nungungulu wathu, gikhalo gyaye nya wufumu gyomo vbatshani ngudzu;

Dzindzimo 139:23

Nyi khedzise gwadi, uwe Nungungulu; nyi linge uti mapimo yangu;

Dzindzimo 14:2

Pfhumu Nungungulu a di noga a khedzisa khu ndzadzini, a wona sanana nya vathu, khuye a na mana moyo nya wadi, mwendro moyo a vbwetago Nungungulu.

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 2:4

Wule a vbanyago ndzadzini a ngu va hega; Pfhumu Nungungulu a ngu va tsorodzela.

Dzindzimo 33:13

Pfhumu Nungungulu a gu khedza khu Ndzadzini; a wona vathu vatshavbo;

Dzindzimo 44:21

ina Nungungulu a sa hi tugula gani, uye a yitigo misihalo ya myonyoni, gani?

Dzindzimo 66:7

A gu fuma khu tshivba yaye kala gupindruga, gikhati gyatshavbo a gu khedzisela vathu va tigoni, gasi avo nyambana githawo va si dzi khusedzi.

Dzindzimo 9:11

Embelelani ga Pfhumu Nungungulu, a vbanyago Siyoni, tivisani sigiro saye vbakari nya mayigo.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.

Habhakuka 2:20

Khu guralo, Pfhumu Nungungulu, womo nyumbani gwaye nya gukatege; mbeli gwaye litigo latshavbo li na degule.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Matewu 23:21

gu sambanya khu Nyumba ya Nungungulu khidzosaye ni gu sambanya khu lina la Nungungulu a vbanyago umo.

Matewu 5:34

Gasi eni nyi ngu mi embelani, kheni: Mu nga phazamini sanu mu gu sambanya, ambari khu ndzadzi, kholu gikhalo nya Mufumo wa Nungungulu;

Mithumo 7:49

‘Ndzadzini gikhalo gyangu nya wufumu ni litigo gigandredzelo nya migondro yangu, ina nyumba muni mu na gu nyi vbahelago? Khu Pfhumu a ganelago; khu wevbini wulanga wu yelago eni guhefemula avbo?

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 4:2

Khavbo avbo, nyi di dzegela gu beledwa khu Liphuvbo, nyi di wona gikhalo nya wufumu ndzadzini, na khade avbo muthu nya gukari;