30 Nyi na emba nyamba garala nyi bonga Pfhumu Nungungulu; nyi na mu rungudza vbakari nya vathu nya vangi,
A na kulungedwe tshanganoni nya vathu, a na rungudzwe vbakari nya madhota.
Aleluya! Dhumisani Pfhumu Nungungulu! Nyi na rungudza Pfhumu Nungungulu khu monyo wangu watshavbo, vbakari nya tshangano wa va nya gululama.
Pfhumu Nungungulu, nyi na gu bonga khu monyo wangu watshavbo, nyi na embelela dzindzimo nya gubonge uwe mbeli ga vanungungulu.
Vafumeli vatshavbo va mafuni va na dhumisa uwe Pfhumu Nungungulu, avbo va na pwago mahungu ya kanani gwago.
Nyi na gu bonga vbakari nya tshangano nya wukhongolo, nyi na gu rungudza vbakari nya vathu nya vangi.
Nyi na bonga Pfhumu Nungungulu khu gululama gwaye, nyi na embelela nyi rungudza lina la Pfhumu Nungungulu a guromo vbatshani ngudzu.
Nyi na gu bonga, Pfhumu Nungungulu, khu monyo wangu watshavbo, nyi na huwelela mithumo yago yatshavbo!
Uye a ngu ganela, khuye: “Oh, Nungungulu, nyi na pwadza lina lago ga vandriyangu, nyi na embelela wudhumo wago vbakari nya tshangano.”