Dzindzimo 109:22 - Bhibhiliya Nya Guage

²² Kholu nyi tade khu wusiwana ni sigaradzo, ni monyo wangu wu ngu vbisega ngudzu ndrani gwangu.

Dzindzimo 109:22 Iomraidhean Croise

2 Dzipfhumu 4:27

Avbo a nga vbohago gigomoni ga muthu wa Nungungulu a dita mu phara mawundru yaye. Geyazi a di hidzimela vbafuvbi gasi guta mu digisa, aholu muthu wa Nungungulu a di mu embela, khuye: “Mu dige, kholu hefemulo waye wu ngu garadzega, aholu Pfhumu Nungungulu a nyi sihede silo sesi, kha nyi tivisa gilo.”

Joba 6:4

Kholu nyi payidwe khu sighalala sa mune nya Tshivba Yatshavbo, wuhungu wawe wu ngu phalalega ni mili wangu watshavbo. Nungungulu somide gu nyi thusedzela.

Dzindzimo 102:4

Monyo wangu wu hekhidwe wu banga kha nga mwasi; nya gu divala ni gu hodza.

Dzindzimo 109:16

Kholu oyu muthu kha alakanya gu pwela wusiwana, aholu a di sanisa sisiwana ni va nya gu hamuga. A landrelela va nya gu vbela tshivba a va songa.

Dzindzimo 22:6

Gasi eni, nyi giwungu, kha nyiri muthu; nya gu hegwa khu vathu, nyi nyenywa khu litigo;

Dzindzimo 25:16

Khedza eno gwangu, nyi pwele wuhindzi, kholu nyi musaniseki nyambana mubangaladzi.

Dzindzimo 40:17

Gasi eni nyi gisiwana ni muhamugi, nyi khulungu, aholu Pfhumu a ngu nyi sayisa. Uwe khuwe giphaso ni guvbanyiswa gwangu; Nungungulu wangu, u nga hweli!

Dzindzimo 86:1

Uwe Pfhumu Nungungulu, neredza ndzeve u nyi yingisa u nyi ninga phindrulo, kholu nyi musaniseki ni muhamugi.

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Johane 12:27

“Olu hefemulo wangu womo gutshanisekani. Nyi na kheni ginani? Baba, nyi vbulugise ga gikhati gegi nya sitshaniso? Olu a gu iso nyi nga si telago, ke!

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.