Dzindzimo 108:6 - Bhibhiliya Nya Guage

⁶ Hakha nombelo wathu, U hi vbanyisa khu tshivba nya libogo lago la nyamudye, gasi vathu vago u va golago va vbanyiswe.

Dzindzimo 108:6 Iomraidhean Croise

2 Samuweli 12:25

Dhavhidhe a mu ningela mandzani ga muprofeti Natane, uye a mu riya lina la Jedhidhiya, gu tshamusago gupwani gigodwa gya Pfhumu Nungungulu.

1 Dzipfhumu 18:24

Khavbo avbo, enu mu na ranani lina la nungungulu wanu, eni neni nyi na lombelela khu lina la Pfhumu Nungungulu; nungungulu a na gu ningago phindrulo khu nilo, uyoyo khuye a gu Nungungulu nya lisine.” Vathu vatshavbo va di hakha, khavo: “Ayoyo mahungu nya yadi.”

1 Dzipfhumu 18:26

Va di dzega kuzi yoyo va nga ningwago, va yi pilela; va phela gu lombelela khu lina la Bhahali gukhugela ni dzimindru kala ni vbakari nya mihani, khavo: “Bhahali hi ninge phindrulo!” Aholu, kha va ngapwa ni lito, ambari muthu nya gu va ninge phindrulo. Va di hana ni gu ndraga ndraga va dzuwulugela giluvelo va nga bani va giride.

1 Dzipfhumu 18:29

Va di simama va gira kharato, khu tshivba ni tshivba kala ni silambo, gikhatini va olovelago gu gira miphaselo nya dzimbewu. Aholu kha va ngapwa lito, ambari phindrulo mwendro gu wona gilo.

Dzindzimo 54:1

Nungungulu, nyi vbulugise, khu lina lago, nyi lamule khu tshivba yago.

Dzindzimo 57:6

Valala vangu va nyi riyede naphwi khavo va na nyi mola; va kembide liphala ndzilani gwangu, aholu va thegede umo avo vamune.

Ekisodha 15:6

Nyamudye wago, Uwe Pfhumu Nungungulu, gu wonegiside tshivba; nyamudye wago, Uwe pfhumu Nungungulu, gu phalalegiside valala.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Dhewuteronome 33:12

Na gu thula Bhejami a di ganela, khuye: Gigodwa gya Pfhumu Nungungulu, gi na khala gurulani gumogo naye; Pfhumu Nungungulu a na mu hetedza kala gupindruga, uye a na hefemula magatani gwago.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.