Dzindzimo 108:4 - Bhibhiliya Nya Guage

⁴ Kholu lihaladzo lago li khugegide ngudzu guvbindra ndzadzini, ni gutumbega gwago gu khugegide guvbindra mapfhi.

Dzindzimo 108:4 Iomraidhean Croise

2 Samuweli 22:50

Khu guralo, eni nyi na gu rungudza vbakari nya mayigo, Pfhumu Nungungulu nyi na emba rungudzo nya lina lago.

Dzindzimo 103:11

Kha nga idzo ndzadzini a gu hwindzo ni mafuni, kharati nilo lihaladzo laye likhongolo ga vale va mu ningago githawo.

Dzindzimo 113:4

Pfhumu Nungungulu khugegide vbatshani nya mayigo yatshavbo, ni wudhumo waye womo vbatshani guvbindra ndzadzini.

Dzindzimo 36:5

Pfhumu Nungungulu, lihaladzo lago lomo ndzadzini, lisine lago li ngu vboha kala mapfhini.

Dzindzimo 85:10

Wuhigo ni lisine si di tshangana, gululama ni gurula si di losana.

Dzindzimo 89:2

Nyi di huwelela kheni lihaladzo lago li ngu simama kala gupindruga; gutumbega gwago gu mwalo mahegiso kha nga ndzadzini.

Dzindzimo 89:5

Pfhumu Nungungulu, sivangwa satshavbo sa ndzadzini si na dhumise sisamadziso sago, si embelela gutumbega gwago tshanganoni nya sihathwa.

Isaya 55:9

Kholu, kha nga ndzadzini gu khugegidego ngudzu guvbindra litigo, kharato nidzo dzindzila dzangu dzi khusegide guvbindra dzanu, ni mipimiso yangu, yomo vbatshani ngudzu guvbindra yanu.