Dzindzimo 107:3 - Bhibhiliya Nya Guage

³ ni vale a va tombanisidego khu mayigoni ya Wuronga ni ya Marandzi, ya Khugadambo ni ya Muhwadambo.

Dzindzimo 107:3 Iomraidhean Croise

Dzindzimo 106:47

Uwe Pfhumu Nungungulu wathu, hi vbanyise, hi tshanganise U hi dusa vbakari ga va nya mayigo, gasi hi kodze gu rungudza lina lago nya gukatege, hi gu dhumisa na hi tsakide.

Isaya 49:12

Wonani nya gukhenu va nata khu hwindzo, vambe va nata khu Wuronga, vambe khu Pfoladambo ni vambe khu tigoni ga Sinimi.

Isaya 54:7

Khu gikhati gidugwana, nyi di gu digide, aholu nyi ngu bwelo khavbo nyi gu wuyisa khu lihaladzo nya likhongolo.

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Ezekiyeli 20:34

Nyi na mi wuyisa khu vbakari nya vathu, nyi mi tombanisa khu vbakari nya mayigo mu phalalegedego umo, khu mandza ni libogo nya tshivba, ni likhulo langu.

Ezekiyeli 36:24

Kholu nyi na mi dusani vbakari ga va nya mayigo, nyi mi tombanisa khu mayigoni gwatshavbo, nyi mi wuyisa tigoni gwanu nya mavelego.

Ezekiyeli 39:27

Avbo nyi na gu va wuyisago khu mayigoni ni gu bani nyi va tombaniside khu mayigoni ya valala vawe, khu vbakari gwawe nyi na dzi nonedza gukheni nyi agide mbeli nya mayigo nya mangi.

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.